Кејси Стонер денеска потврди дека сеуште нема договор со тимот на Дукати за евентуален негов настап со вајлд карта на некоја од МотоГП трките оваа сезона.

Во разговорот со новинарот на „MCN“ Кејси Стонер негираше дека веќе е постигнат договор за негов настап во 2016, но потенцираше дека можно е тоа да се случи иако нивниот приоритет во моментот е развојот на моторот.

За Стонер е јасно дека доколку се врати на патеката нема да се вози со задниот дел од колоната, напротив тој може да ги спореди времињата кои ги направи минатата година со оние од неговите колеги од Дукати, и покрај тоа што цели 3 години беше надвор од патеките. Стонер неколкупати во изјавите потенцираше дека за него главниот фокус во моментот е да го врати Дукати на победничките патеки.

Јасно е дека фановите ширум светот посакуваат Стонер да се врати во шампионатот, ќе биде тоа празник за очи, а ние се надеваме дека во моментот тој го подготвува моторот за неговото враќање во 2017 година.