MotoGP

Роси: Немаше шанси да го следам Довициозо

„Никогаш не бев дел од борбата за титулата. Направив премногу грешки и загубив многу поени во Мугело“ - Валентино Роси

Следете нè на:

 

Валентино Роси призна дека во никој случај не можел да го стигне Андреа Довициозо за време на нивниот дуел на трката во Малезија.

Со тој резултат, низата без победа на Yamaha се зголеми на девет трки. Роси сепак е задоволен бидејќи успеа да го обезбеди второто место во шампионатот.

Италијанецот, кој стартуваше од втората позиција веднаш зад Довициозо, после првите неколку свиоци го загуби местото и се најде подолу меѓу возачите.

Cv 67wPVMAAqTeO

„Стартот не беше толку лош, но после првите неколку свиоци ме претекнаа. Но бев добар на деветиот свиок. Мислам дека првите неколку круга беа интересни за гледање.“

Роси потоа поголем дел од трката го мина зад Андреа Јанон. И покрај тоа што имаше неколку обиди да го претекне, на крајот Јанон сепак излегуваше пред него.

„Имав тешка борба со Јанон бидејќи тој никогаш не се откажува. Тој беше многу брз и возеше одлично. Кога конечно успеав да го претекнам, се чувствував добро и имав мала предност. Во тој момент, мислев дека можам да дојдам до победата.“

Но Роси сепак мораше да се бори и со тимскиот колега на Јанон, Андреа Довициозо, кој ги следеше првите двајца возачи. Возачот на Ducati за кратко време успеа да му се доближи на Роси, кој направи грешка на првиот свиок. Довициозо успеа да го претекне и да направи предност.

„Бидејќи имаше помалку вода на патеката, почнаа да ми се појавуваат проблеми со пневматиците, особено со предната гума,“изјави Роси. „Направив мала грешка но ја немав и истата брзина како и Андреа.“

„Тој беше побрз а јас не сакав да направам грешка и да испуштам 20 поени. Штета, бидејќи сакав да победам, но задоволен сум и со второто место.“

ros 11

Роси сега и дефинитивно не може да биде престигнат од тимскиот колега Хорхе Лоренцо во борбата за второто место во генералниот пласман.

„На крајот, задоволен сум од резултатот. Кога имате можност да освоите поени морате да го направите тоа. Ако направев грешка денеска, Хорхе ќе завршеше на второто место и на трката во Валенсија ќе имав предност од само 4 поени. А на таа патека Хорхе е секогаш брз.“

Во однос на актуелната сезона во која тој е далеку поконкурентен во однос на брзината во споредба со минатата година, Роси изјави:

„Задоволен сум бидејќи освоивме многу места на подиумот. Мојата брзина беше добра и бев компетитивен. Но сепак не сум целосно задоволен бидејќи, на крај, никогаш не бев дел од борбата за титулата. Направив премногу грешки и загубив многу поени, особено на патеката во Муџело.“

„За да бидам целосно задоволен сакам да се борам за титулата. Оваа сезона Маркез имаше голема предност.“

Роси досега во шампионатот постигна две победи и освои десет места на подиумот, а минатата година освои 4 победи и 15 места на подиумот. Голема разлика прави фактот дека минатата сезона, Роси освои поени на сите трки. Оваа година тој не успеа да освои поени на 4 трки, односно потенцијални 100 поени.

Маркез, кој има предност од 42 поени пред Роси, оваа сезона не успеа да заврши само една трка, а на други две освои малку поени.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.