MotoGP

Роси: „Ќе продолжиме да го употребуваме стандардниот резервоар за гориво“

„Се чувствував подобро со стандардниот резервоар за гориво па затоа мислам дека ќе продолжиме да го користиме него“ – Валентино Роси

Следете нè на:

 

Само еден ден откако ги изненади ривалите и оствари доминантна победа на MotoGP трката која се оддржа во Шпанија, Валентино Роси се врати на патеката во Херез.

Италијанецот беше последниот возач кој се појави на патеката, некаде околу 3 часот попладне, но сепак извозе 52 круга. Речиси двојно повеќе отколку што помина на трката.

Роси помина дел од времето тестирајќи го новиот преден пневматик на Michelin. На мотоциклот што го возеше, после подолг период, резервоарот за гориво се наоѓаше во задниот дел. Но сепак уште еднаш, Роси и тимскиот колега Хорхе Лоренцо соопштија дека ја преферираат стандардната верзија.

rossi herez test rezРоси: „Ќе продолжиме да го употребуваме стандардниот резервоар за гориво“ 

„Го пробавме мотоциклот што имаше различен резервоар за гориво. Се чувствував подобро со стандардниот модел и мислам дека ќе продолжиме со него,“ изјави Роси.

„Докторот“ се наоѓа на третото место во шампионатот со заостанување од 24 поени во однос на лидерот Марк Маркез кој имаше најдобро време на тестовите. Времето кое го постигна Роси беше доволно тој да се најде на четвртото место, но со заостанување од само 0.319 секунди од возачот на Honda.

„Немаше многу работи што требаше да ги тестираме денеска, само некои мали детали. Покрај резервоарот за гориво, испробавме три различни предни гуми и откривме нешто што мислам дека е многу важно.“

Лоренцо кој заостануваше зад Роси 2.386 секунди на трката која се оддржа во Неделата, на тестот имаше малку подобро време од Роси и на крајот заостануваше само 0.019 секунди од Маркез.

„Од особена важност за нас е што пробавме нови работи, особено при влегување во свиок и мислам дека постигнавме голем напредок,“ изјави Лоренцо кој од следната сезона ќе настапува за Ducati.

Тимскиот директор Масимо Мерегали изјави дека и двајцата возачи ги преферираат истите Michelin пневматици и потврди дека концептот со резервоарот на гориво на задната страна, нема да се употребува во блиска иднина.

„Главната наша цел денеска беше да ги тестраме трите предни гуми. Морам да признаам дека тоа го завршивме успешно. Добро е што откривме дека и двајцата возачи се задоволни. Тоа е охрабрувачко бидејќи покажува дека Michelin работи навистина напорно и во вистинска насока што им дава самодоверба на нашите возачи.“

„Исто така го тестиравме и задниот резервоар за гориво во споредба со стандардниот и одлучиме да продолжиме со стандардниот резервоар. Исто така тестиравме и различна електроника и шасија.“

„Сега ќе се збогуваме со Херез и ќе се посветиме на следниот предизвик.“

Следната трка ќе се оддржи на патеката Ле Ман од 6ти до 8ми Мај.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.