MotoGP

Роси: Борбата со Маркез беше силна но сепак фер

„Маркез е секогаш агресивен, но во споредба со борбата во Сепанг, оваа беше многу поразлична бидејќи двајцата возачи имаа иста цел – да се обидат да завршат пред  другиот “ – Валентино Роси

Следете нè на:

 

Валентино Роси вели дека нема проблем со агресивниот стил на возење на ривалот за титулата  Марк Маркез. Парот повторно се бореше за место на подиумот на трката во Велика Британија.

Откако неколку пати дојдоа во контакт, Маркез конечно успеа да го претекне Роси во борбата за третото место. Веднаш потоа тој се обиде да го престигне и Кал Кратчлоу кој се наоѓаше на втората позиција.

Возачот на Repsol Honda беше исто така агресивен и во борбата со Кал Кратчлоу.  Тој имаше контакт со Британскиот возач пред да излета од патеката. На крајот, Маркез заврши како четврти а Роси го освои третото место.

rossi mm93Одличната борба на Роси и Маркез во Силверстоун не остави никого рамнодушен

Борбата меѓу Роси и Маркез не потсети на нивниот судар кој се случи за време на трката во Сепанг минатата година. Сепак, деветкратниот светски шампион Роси изјави дека борбата во Силверстоун била фер.

На прашањето, кога беше позагрижен, дали кога во негова близина беше Андреа Јанон или Марк Маркез, Роси одговори: „Повеќе кога во моја близина беше Маркез, бидејќи знам дека тој има поинаков третман со мене! Но исто така и со Јанон не беше воопшто лесно. Шегата на страна, ова беше одлична борба со Јанон но исто така и со Маркез.  Со нив борбата секогаш е тешка но сепак е фер.“

Маркез, кој имаше контакт со Роси, на момент излета од патеката. Откако се врати, тој се најде зад возачот на Movistar Yamaha. Според Роси, не е фер возач кој ќе излета од патеката да помине не казнето.

„Кога ќе излеташ од патеката тоа значи дека си направил грешка. На крај не е фер доколку нема никакви последици по тебе. Но такви се правилата и ако скратиш дел од патеката и на крајот не стекнеш никаква предност, можеш да продолжиш. Тоа важи и за останатите возачи,“ изјави Роси.

„ Маркез е секогаш агресивен. Но во споредба со трката во Сепанг, борбата тука беше различна бидејќи и двајцата возачи имаа иста цел, да се обидат да завршат пред другиот возач и да бидат побрзи. Тоа беше разликата и јас навистина уживав.“

Италијанкиот возач успеа да ја намали предноста во однос на Маркез за три поени и сега заостанува точно 50 бодови зад возачот на Repsol Honda.  37 годишниот возач беше многу задоволен од перформансите кои ги покажа на трката во Силверстоун.

„Многу сум среќен, но не поради тоа што ја намалив разликата бидејќи таа се уште е многу голема, туку бидејќи се искачив на подиумот. Викендот беше тежок, и знам дека секогаш морам да ја користам предноста кога стартувам од првиот ред.“

„Трката беше одлична. Имаше одлична борба со Кратчлоу, Маркез а исто така и со Јанон. Кога бев на петото место а пред мене беа Маркез и Јанон беше тешко бидејќи веднаш зад мене се наоѓаше Педроса. Но не се предавав, се обидов да возам најдобро што можам. Исто така имав и малку среќа, но добро е за мене и за тимот што завршивме на подиумот после тешкиот викенд.“

„Единствено е штета што Вињалес  не не чекаше бидејќи оваа борба требаше да биде за првото место! Но сепак беше многу забавно.“

Роси, кој го имаше својот 250-ти старт во MotoGP  на трката во Силверстоун, со нетрпение ја очекува трката која ќе се оддржи во Мисано.

„Добро е што постигнавме ваков резултат. Следната недела во Мисано ќе биде најважниот викенд во сезоната бидејќи ќе возам да домашна патека и ќе има голем притисок. Но таму има и одлична атмосфера и ќе биде многу забавно,“ изјави Роси кој настапуваше со старата шасија и задна вилушка наместо со новите кои ги тестираше во Брно. Од Yamaha изјавија дека не беа спремни да ризикуваат.

„Ми се допаѓа патеката и обично нашиот мотоцикл е добар, но никогаш нема вистински да знаеш се додека не излезеш на патеката со различни пневматици.“

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.