Тимот на Repsol Honda од 2017 година ќе започне да ги користи издувите од SC-Project наместо досегашните од Termignoni откако потпишаа технички договор со Италијанската компанија.
Тимот на Repsol Honda од 2017 година ќе започне да ги користи издувите од SC-Project наместо досегашните од Termignoni откако потпишаа технички договор со Италијанската компанија.
SC-Project веќе е поврзан со HRC откако во 2016 година работеа на сателитскиот тим Marc VDS, а исто така минатата сезона го освоија светскиот шампионат со Јонатан Зарко и Ajo Motorsport Moto2 тимот.
Новиот директор на HRC, Тецухиро Кувата, вели дека нивното искуство и досегашна работа биле пресудни за да се склучи договор за партнерство.
„Му посакуваме добредојде на SC-Project како официјален спонзор на издувниот систем на нашиот тим. Тие имаат големо искуство и сигурни сме дека овој сојуз ќе ни обезбеди голем успех.“
Шефовите на SC-Project велат дека се подготвени за предизвикот што ги очекува.
„За нас претставува чест и задоволство што станавме технички спонзор на најважниот тим во MotoGP, Repsol Honda. Во моментов, SC-Project е еден од лидерите кај издувните системи чијашто високо квалитетна технологија е развиена преку настапите во MotoGP, Moto2, Moto3, SBK и сигурни сме дека соработката со HRC ќе допринесе уште повеќе да се развие нашиот бренд и нашата технологија.“
„По успехот што го постигнавме во 2015 и 2016 година, горди сме што ќе бидеме партнери на Repsol Honda во борбата за титулата во светскиот шампионат заедно со Марк Маркез и Дани Педроса.“