И покрај барањата од ривалите да се зголеми казната на Маркез после сударот кој го имаше со Роси, Пуиг се надева дека ќе има поинаква одлука, сега откако се смири ситуацијата.

Шефот на Honda, Алберто Пуиг ги обвини организаторите на трката во Аргентина за казната која ја доби Марк Маркез, наместо да признаат дека самите се виновни за целата конфузија која настана.

Откако не доби соодветен одговор после проблемите кои ги имаше со мотоциклот на стартот на трката, поранешниот Гран При победник смета дека Маркез го направил она што мислел дека е исправно.

„Од наша гледна точка, не е целосно јано што точно се случуваше на патеката.  Настана нешто што вообичаено не се случува, а после тоа проблемите само се зголемуваа. Возачот постапи така како што мислеше дека е исправно. Кога се наоѓате во некоја ситуација и кога позади вас има дваесетина возачи, сакате да бидете на безбедна позиција. Мислеше дека и маршалите му кажуваат така да постапи и никој не се обиде да го отстрани од позицијата.“

И покрај барањата од ривалите да се зголеми казната на Маркез после сударот кој го имаше со Роси, Пуиг се надева дека ќе има поинаква одлука, сега откако се смири ситуацијата.

„Валентино има големо искуство и знае дека вакви работи можат да се случат за време на трките. Исто така, вакви работи се случуваат и кога условите на патеката не се идеални. Навистина ни е жал но сметаме дека работите беа надвор од контрола. Секако дека разбирам зошто Валентино и Yamaha не се среќни поради оваа ситуација и имаат право да бидат така. Но ова ни се има случено на сите нас многу пати досега.“