MotoGP: Пол позиција за Педроса и нов рекорд на Сепанг

Дани Педроса утринава дојде до пол позиција на патеката Сепанг пред трката за ГН на Малезија, притоа соборувајќи го рекордот на стазата за цели седум десетинки.

Дани Педроса утринава дојде до пол позиција на патеката Сепанг пред трката за ГН на Малезија, притоа соборувајќи го рекордот на стазата за цели седум десетинки.

Дани Педроса дојде до пол позиција за прв пат по трката на Каталуња во 2014 година, Педроса извозе фантастичен круг кој беше подобар од рекордот на патеката за 0.738 делови од секундата. Повеќето возачи се одлучија за стратегија со три излегувања од боксот додека Дани се одлучи за две излегувања притоа чекаша доволно во гаражата за да нема гужва пред него. Неговиот план се покажа како одличен, тој го сруши рекордот на патеката и дојде до пол позиција со предност од 1’59.053.

Марк Маркез прикажа солидно возење, не беше во можност да го стигне времето на својот клубски колега Дани Педроса но возеше солидни 1'59.462 кои му го донесоа второто стартно место на утрешната трка.

Јамаха тимот не престанува да биде во фокусот на се што се случува во МотоГП. На утринските квалификации Хорхе Лоренцо забележа време од 1'59.737 и помина низ целната рамнина како третопласиран, но она што не го знаеше Лоренцо беше дека Роси сеуште е на патеката и успеа да го подобри неговото време за 11 стотинки!

Лоренцо не знаејќи дека ќе стартува од вториот стартен ред се упати во Парк ферме но откако му беше укажано на новите резултати видно нервозен замина во боксот. Од друга страна пак Валентино Роси беше пресреќен на резултатот со кој ќе стартува од првиот ред, пред Хорхе Лоренцо.

Утре не очекува возбудлива трка, не заборавајте дека заради временската разлика преносот во живо започнува во 8 часот изутрина.

Недела (25.10.2015) - SportKlub 1

Целосните резултати од денешните квалификации: