Хорхе Лоренцо победи на Италијанското MotoGP во Муџело, Марк Маркез го испушти второто место, а Валентино Роси се судри со Алваро Баутиста во првиот круг.

Хорхе Лоренцо победи на Италијанското MotoGP во Муџело, Марк Маркез го испушти второто место, а Валентино Роси се судри со Алваро Баутиста во првиот круг.

Хорхе Лоренцо оствари победа на Италијанската MotoGP трка трета година по ред, и ја постигна првата победа за Yamaha по трката во Катар.

Дебитантот Марк Маркез беше блиску до освојување на второто мето, откако го помина тимскиот колега Дани Педроса на пет круга до крај, но сепак, три круга пред крајот тој излета надвор од патеката.

Педроса повторно се најде на втората позиција иако се соочи со притисок од возачот на Tech 3 Yamaha, Кал Кратчлоу кој заврши една секунда побавен од Шпанецот.

Штефан Брадл (Honda LCR), Андреа Довициозо (Ducati) и Ники Хејдн(Ducati) ги комплетираа првите шест места.

Трката започна катастрофално лошо за домашниот херој Валентино Роси, чиишто надежи за искачување на подиумот завршија кога тој и Алваро Баутиста се судрија после само неколку свиоци.

Од снимките може да се види како Баутиста го удира Роси додека се префрлаат од лева на десна страна. Шпанецот веднаш падна, а Роси беше истуркан надвор од патеката.

И двајцата силно се удрија во заштитните гуми и имаа среќа што поминаа без посериозни последици.

Лоренцо, Педроса и Маркез ја продолжија својата борба и наскоро се одделија од останатите возачи. До половина на трката имаше мала разлика помеѓу водечкото трио, но темпото кое го имаше Лоренцо се покажа како недостижно.

Лоренцо сега се искачи пред Маркез и се наоѓа на второ место на табелата со заостанување од 12 поени зад Педроса .

Кал Кратчлоу се наоѓа шест поени зад Маркез. Тој почуствува дека има шанса за освојување на третото место, но одлучи да игра на сигурно откако Маркез излета од патеката и местото на подиумот беше сигурно.

Довициозо, кој го повреди вратот во петокот, ја започна трката од надворешната страна на првиот ред, но знаеше дека ќе има тешка задача за да ја задржи својата позиција. Но сепак, Италијанецот се бореше за четвртата позиција со Бредл до самиот крај, губејќи за само неколку десетинки.