MotoGP

MotoGP: Tech3 ќе соработуваат со KTM од сезоната 2019

Токму така, од 2019, Tech3 кој е еден од најдобрите сателитски тимови, ќе настапува со KTM RC16 MotoGP мотоциклот и ќе има целосна поддршка од Австриската фабрика.

Следете нè на:

 

Големо беше изненадувањето кога се појави информацијата дека Tech3 ќе ја напушти Yamaha по завршувањето на сезоната. Но откако помина некое време, воопшто не не изненади веста дека тимот на Пoншарал потпишал договор за соработка со КТМ за сезоната 2019.

Токму така, од 2019, Tech3 кој е еден од најдобрите сателитски тимови, ќе настапува со KTM RC16 MotoGP мотоциклот и ќе има целосна поддршка од Австриската фабрика.

Ова последното сигурно била и причината поради која Поншарал одлучи после толку долго време да ја прекине соработката со Yamaha.

Со тоа што ќе имаат фабрички мотоцикли, Tech3 има подеднакви шанси како и останатите тимови да стигне до победа. Тоа пак значи повеќе спонзори и повеќе пари за тимот.

Со оглед на тоа дека спецификациите за 2017 година веќе покажуваат одлични резултати на KTM RC16, многумина се надеваат дека овогодинешниот модел ќе постигнува добри резултати, иако знаеме дека последните неколку десетинки најтешко се достигнуваат.

Сепак, КТМ веќе импресионира со напорите кои ги вложува во MotoGP, а веќе можеме да видиме и раздвижување на работите во Moto2 и Moto3 сериите.

„Навистина сме среќни што ќе соработуваме со Tech3 во MotoGP почнувајќи од 2019 година,“ изјави Пит Беирер, директор во КТМ. „Тимот има долгогодишно искуство и има постигнато значајни успеси во шампионатот.“

„Нивната професионална структура ќе не направи уште посилни. Тоа што ќе имаме четири KTM RC16 мотоцикли на патеката е уште еден значаен чекор за нас, како во развојот на нашиот MotoGP мотоцикл така и во ширењето на КТМ.“

„Од Red Bull дебитансткиот куп па се до MotoGP, има чист пат до врвот. Со нетрпение чекам да ја почнеме соработката и благодарен сум му на Ерв Поншарал што не одбра нас за негови партнери.“

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.