Возачот на Дукати тимот во МотоГП Андреа Довициозо дојде до пол позиција на утрешната трка за ГН на Катар која се вози на патеката Лосаил со почеток во 20.00 часот по наше време.
Возачот на Дукати тимот во МотоГП Андреа Довициозо дојде до пол позиција на утрешната трка за ГН на Катар која се вози на патеката Лосаил со почеток во 20.00 часот по наше време.
Иако според резултатите од тренинзите се знаеше дека не очекуваат неизвесни квалификации, сепак резултатот кој го забележа Довициозо беше во најмала рака неочекуван. Возачот на Дукати тимот утрешната трка ќе ја започне од првата позиција, а квалификациите ги заврши со предност од +0.217 секунди пред Дани Педроса кој ќе стартува од втората позиција. Од првиот ред ќе стартува и Марк Маркез кој во досегашните слободни тренинзи имаше најдобри времиња.
Од вториот ред ќе стартува и вториот возач на Дукати, Андреа Ианон, а за успехот на Дукати се погрижи и Џони Хернандез кој го комплетираше третото Дукати во првите пет стартни позиции. Вториот ред го комплетираше Хорхе Лоренцо.
Третиот ред на утрешната трка ќе започне со Бредли Смит кој ја вози сателитската Јамаха на Теч3 тимот, следен од Валентино Роси, а на деветтата позиција се квалификуваше Данило Петручи.
Имајќи ги во предвид резултатите од квалификациите со сигурност не очекува неизвесна трка во Катар, затоа и започнавме наградна игра во која сите кои точно ќе ги погодат првите тројца на Лосаил ќе добијат маичка Мотори.ком.мк. За да учествувате се што треба да направите е да го пишете вашето предвидување за редоследот на првите тројца на утрешната трка на следниот линк.
Во продолжение и целосните резултати од квалификациите во Катар:
| Поз. | Бр. | Возач | Земја | Тим | Мотор | Км/ч | Време | Разлика |
|---|---|---|---|---|---|---|---|---|
| 1 | 4 | Andrea DOVIZIOSO | ITA | Ducati Team | Ducati | 337.3 | 1'54.113 | |
| 2 | 26 | Dani PEDROSA | SPA | Repsol Honda Team | Honda | 340.1 | 1'54.330 | 0.217 / 0.217 |
| 3 | 93 | Marc MARQUEZ | SPA | Repsol Honda Team | Honda | 339.9 | 1'54.437 | 0.324 / 0.107 |
| 4 | 29 | Andrea IANNONE | ITA | Ducati Team | Ducati | 339.0 | 1'54.521 | 0.408 / 0.084 |
| 5 | 68 | Yonny HERNANDEZ | COL | Pramac Racing | Ducati | 346.4 | 1'54.675 | 0.562 / 0.154 |
| 6 | 99 | Jorge LORENZO | SPA | Movistar Yamaha MotoGP | Yamaha | 332.0 | 1'54.711 | 0.598 / 0.036 |
| 7 | 38 | Bradley SMITH | GBR | Monster Yamaha Tech 3 | Yamaha | 337.2 | 1'54.732 | 0.619 / 0.021 |
| 8 | 46 | Valentino ROSSI | ITA | Movistar Yamaha MotoGP | Yamaha | 333.4 | 1'54.851 | 0.738 / 0.119 |
| 9 | 9 | Danilo PETRUCCI | ITA | Pramac Racing | Ducati | 342.7 | 1'54.876 | 0.763 / 0.025 |
| 10 | 44 | Pol ESPARGARO | SPA | Monster Yamaha Tech 3 | Yamaha | 335.4 | 1'55.004 | 0.891 / 0.128 |
| 11 | 41 | Aleix ESPARGARO | SPA | Team SUZUKI ECSTAR | Suzuki | 327.4 | 1'55.035 | 0.922 / 0.031 |
| 12 | 35 | Cal CRUTCHLOW | GBR | CWM LCR Honda | Honda | 335.2 | 1'55.123 | 1.010 / 0.088 |
Пренос од утрешните трки ќе има на SportKlub 3 каналот според следниот распоред:
- Загревање Мото3 од 14.50
- Загревање Мото2 од 15.25
- Загревање МотоГП од 16.00
- Трка Мото3 од 17.00
- Трка Мото2 од 18.20
- Трка МотоГП од 20.00
Коментари