MotoGP

MotoGP: Рединг замена за Ловс во тимот на Aprilia

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Следете нè на:

 

Веднаш откако беше објавено дека Џек Милер ќе премине во тимот на Pramac Ducati, Aprilia се одлучи да потпише договор со Рединг. Со овој потег, Англичанецот повторно ќе соработува со Фаусто Гресини откако веќе еднаш возеше за него за време на дебитанската сезона во 2014 година. Рединг потоа премина во Marc VDS додека пак Гресини ги здружи силите со Aprilia. Во 2018, Рединг ќе настапува покрај Алеш Еспаргаро кој оваа сезона веќе постигна неколку импресивни резултати. Ловс сега ќе мора да бара некоја алтернатива за следната сезона која требаше да биде негова втора во MotoGP серијата.

mugello 2017 gpСкот Рединг (#45)

Минатиот петок директорот на Aprilia, Романо Албесиано, изјави дека Ловс има две трки за да ја заслужи довербата на Aprilia. „Сем покажа знаци на подобрување. Навистина се надевам дека ќе продолжи така и во иднина.“

Но сепак, една недела подоцна се чини дека Aprilia реши во свој тим да има друг англичанец. Уште за време на трката во Каталуња, тимскиот шеф на Aprilia изјави дека екипата разговара со неколку возачи кои би го зазеле местото на Ловс во тимот. Во овој момент, Ловс има проблеми да се адаптира на прототипот кој развива 260кс, а имаше и сериозна повреда на грбот.  

На трките во Асен и Заксенринг се појавија знаци на подобрување кај Ловс. После средбата со тимските шефови за време на летната пауза, Ловс се врати на патеката во Брно со очекување дека неговиот мотоцикл ќе биде речиси идентичен со оној на Еспаргаро. Но позицијата која ја освои не беше доволна да ја убеди управата на Aprilia да ги задржи неговите услуги.

Ваквата вест е добра за Рединг кој веќе претходно изјави дека сака да остане во MotoGP. „Мислам дека имам потенцијал и само треба да го најдам вистинското решение за мене во моментов. Всушност, нема повеќе опции туку само една,“ изјави Рединг.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.