MotoGP

МотоГП: Победа за Стонер во Херез

thumb_MotoGP_2012_Jerez_38Кејси Стонер со денешната победа на трката за ГН на Шпанија ја разочара домашната публика која се надеваше дека Хорхе Лоренцо по втор пат сезонава ќе дојде до победа.

Следете нè на:

 

MotoGP_2012_Jerez_38

Кејси Стонер со денешната победа на трката за ГН на Шпанија ја разочара домашната публика која се надеваше дека Хорхе Лоренцо по втор пат сезонава ќе дојде до победа. За Стонер ова е прва победа на Херез во кариерата, а дополнителна тежина на неговиот успех додава и податокот дека тој дека стартуваше од петата позиција.

Лоренцо стартуваше од пол позицијата но изборот за гумите го спречи да дојде до нови 25 бодови. Тој сеуште е на првата позиција во генералниот пласман но на денешната трка мораше да се задоволи со втората позиција. „Денеска беше навистина важен изборот на гуми, ние се одлучивме за меката компонента и се покажа дека нашиот избор беше погрешен. Немав доволно тракција и не бев самоуверен како на квалификациите па би рекол дека втората позиција е одлична во оваква ситуација.“ - изјави тој по завршувањето на трката.

Почетокот на трката беше интересен бидејќи Дани Педроза изби на првата позиција по стартот, но во првиот свиок веднаш зад него пролетаа Кејси Стонер, Хорхе Лоренцо, Андреа Довициозо и Ники Хејден. Веднаш потоа тој успеа да ги мине Довициозо и Хејден но одличниот Кал Крачлоу му беше зад опашот во текот на целата трка. Британецот беше на чекор до сензација но Педроза не дозволи пред домашната публика да го загуби третото место.

Во заднина ја следевме борбата за 9-та позиција помеѓу Валентино Роси, Хектор Барбера, Бен Спиз, а тука беше и „CRT“ Априлијата на Ренди де Пуние. За жал во последниот круг Априлијата не издржа и Де Пуние остана без пласман, а Роси ја „подобри“ позицијата од минатата трка, овојпат финиширајќи како 9-ти. Бен Спиз ја презема целата вина за денешнио неуспех, а на новинарските информации дека Довициозо ќе го завземе неговото место во фабричкиот тим на Јамаха следната година, сега можеме тоа да го кажеме и за Кал Крачлоу.

Следевме возбудлива трка која на крајот Стонер со вистинскиот избор на пневматици ја претвори во својата прва победа на Херез. Во генералниот пласман прв е Лоренцо со 45 бода, втор е Стонер со 41 бод, а трет е Педроза со 36 бода.

Следната трка се вози за една недела (6-ти Мај со почеток во 14.00) на патеката Есторил во Португалија.

Поз.БодовиВозачТимКм/чВреме
1 25 Кејси Стонер Repsol Honda Team 157.3 45'33.897
2 20 Хорхе Лоренцо Yamaha Factory Racing 157.2 +0.947
3 16 Дани Педроза Repsol Honda Team 157.1 +2.063
4 13 Кал Крачлоу Monster Yamaha Tech 3 157.1 +2.465
5 11 Андреа Довициозо Monster Yamaha Tech 3 156.2 +18.100
6 10 Алваро Баутиста San Carlo Honda Gresini 156.0 +21.395
7 9 Штефан Брадл LCR Honda MotoGP 155.6 +28.637
8 8 Ники Хејден Ducati Team 155.6 +28.869
9 7 Валентино Роси Ducati Team 155.3 +34.852
10 6 Хектор Барбера Pramac Racing Team 155.3 +35.103
11 5 Бен Спиз Yamaha Factory Racing 155.1 +38.041
12 4 Алекс Еспергаро Power Electronics Aspar 153.2 +1'12.728
13 3 Данило Петручи Came IodaRacing Project 152.9 +1'18.669
14 2 Матиа Пасини Speed Master 152.3 +1'29.142
15 1 Иван Силва Avintia Blusens 152.1 +1'32.478
16 Колин Едвардс NGM Mobile Forward Racing 151.7 +1'40.577
17 Карел Абрахам Cardion AB Motoracing 150.6 1 круг
Без пласман
Ренди де Пуние Power Electronics Aspar 153.7 2 круга
Џејмс Елисон Paul Bird Motorsport 152.7 3 круга
Мишел Пиро San Carlo Honda Gresini 152.6 9 круга
Не стартуваше
Џони Хернандез Avintia Blusens 0 круга

Би можело да ве интересира

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Не е необично кога одредена компанија со цел да привлече што е можно поголемо внимание, одлучува за време на некое мото шоу да претстави мотоцикл кој се базира на некој иден модел. Но R18 "Departed" кој го видовме за време на мото шоуто во Јокохама има уникатен 1800cc мотор.

„После 20 години прекинува прозиводството на големиот мотоцикл на Suzuki“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.