Трката на Индијанаполис започна по многу перипетии околу тоа дали Стонер, Спиз и Хејден ќе возат по тешките падови кои ги доживеаја на квалификациите, за на крајот единствено Ники Хејден да не го видиме на стартната линија.
Трката на Индијанаполис започна по многу перипетии околу тоа дали Стонер, Спиз и Хејден ќе возат по тешките падови кои ги доживеаја на квалификациите, за на крајот единствено Ники Хејден да не го видиме на стартната линија.
Информациите за Стонер се менуваа од час во час, уште вчера доцна вечерта беше познато дека тој има скинати лигаменти на десниот зглоб на ногата и полесни фрактури но дури утринава по консултациите со лекарите тој одлучи дека ќе вози на трката за ГН на Индијанаполис. Состојбата со Спиз беше слична, домаќинот беше неизвесен за денешната трка откако по вчерашниот пад го откажа прес настанот по квалификациите, а изутринава изјави дека се осеќа претепано но ќе даде се од себе.
На самиот старт само Лоренцо и Тони Елиас започнаа со средни односно меки задни гуми, а Педроза иако имаше одличен старт Спиз го превзема водството во вториот свиок на Индијанаполис. Веднаш зад него беше Педроза следен од Довициозо, Лоренцо и Штефан Брадл. Возбудувањата започнаа веќе од првиот круг, па така Матијас Пасини беше првиот за кој трката заврши предвреме, а веќе во третиот круг Педроза го превзема водството од Спиз. Она што следуваше потоа беше вистински кошмар за тимот на Јамаха, моторото на Бен Спиз едноставно престана да работи, бел чад од издувот значеше крај на трката за неговата М1 и уште една неуспешна трка за американецот во 2012-та. Агрегатот кој го возеше Бен Спиз беше истиот со кој настапуваше на изминатите 5 сесии, а агресивното возење пред домашната публика се покажа како пресудно за него. Нормално со тој агрегат се возат 25-30 сесии па останува нејасно што се случи со моторот на Спиз.
По откажувањето на Спиз, Брадл се најде на четвртата позиција, следен од Кејси Стонер кој наскоро се обиде да го помине, а Лоренцо полека започна да ја намалува разликата од водечкиот Педроза. Во првиот круг по откажувањето на Спиз таа изнесуваше повеќе од 2.5 секунди, за да по само два круга биде намалена на 1.7 секунди.
Во 10-от круг Кал Крачлоу заврши надвор од патеката, во четвртиот свиок додека беше на 7-та позиција тој ја заврши трката, за среќа без последици. На 17 круга до крајот разликата од водечкиот Педроза до Лоренцо повторно се зголеми на повеќе од 3 секунди, а Стонер успеа да го помине Довициозо за 3-та позиција. Во тој момент Педроза, Лоренцо, Стонер и Баутиста беа единствените возачи на патеката кои забележуваа време под 1.39с.
На 15 круга до крајот го проследивме и откажувањето на Де Пуние заради технички проблеми со кумпунгот кој едноставно откажал, за во следниот круг Педроза да продолжи со зголемување на предност пред Лоренцо која сега веќе изнесуваше повеќе од 4 секунди. Во тој круг го забележа и најдоброто време на патеката од 1.39,088.
На 10 круга до крајот на трката Педроза за малку ќе завршеше надвор од патеката во свиокот бр.2 но успеа да се задржи на неговата Хонда и да загуби малку од предноста која ја имаше во однос на Лоренцо. Шпанецот во тој момент возеше најбрз круг на Индијанаполис и успеа да ја намали разликата од водечкиот Педроза на 3.8 секунди, а да ја задржи предноста пред Стонер на 10 секунди.
На 7 круга до крајот битката за 3-то место стана возбудлива откако Довициозо успеа да го помине Кејси Стонер. Педроза возеше безбедно на првата позиција, Лоренцо зад него, а на патеката не се случуваше ништо друго возбудливо па можевме да се сконцентрираме на борбата за 3-та позиција.
До крајот немаше поголеми возбудувања, Педроза продолжи со одличното возење и го задржа времето од 1.39 низ целата трка, Лоренцо финишираше на втората позиција без да биде загрозен, а борбата за третата позиција продолжи до самиот крај кое сепак му припадна на Довициозо, оставајќи го Стонер на четвртата позиција.
На петтото место финишираше Алваро Баутиста, следен од Штефан Брадл и Валентино Роси, а на осмата позиција го проследивме Карел Абрахам.
Поз. | Бод | Бр. | Возач | Тим | Км/ч | Време |
---|---|---|---|---|---|---|
1 | 25 | 26 | Dani PEDROSA | Repsol Honda Team | 151.8 | 46'39.631 |
2 | 20 | 99 | Jorge LORENZO | Yamaha Factory Racing | 151.2 | +10.823 |
3 | 16 | 4 | Andrea DOVIZIOSO | Monster Yamaha Tech 3 | 150.9 | +17.310 |
4 | 13 | 1 | Casey STONER | Repsol Honda Team | 150.7 | +19.803 |
5 | 11 | 19 | Alvaro BAUTISTA | San Carlo Honda Gresini | 150.6 | +22.556 |
6 | 10 | 6 | Stefan BRADL | LCR Honda MotoGP | 150.2 | +30.072 |
7 | 9 | 46 | Valentino ROSSI | Ducati Team | 148.7 | +57.614 |
8 | 8 | 17 | Karel ABRAHAM | Cardion AB Motoracing | 148.2 | +1'08.442 |
9 | 7 | 68 | Yonny HERNANDEZ | Avintia Blusens | 148.0 | +1'11.106 |
10 | 6 | 41 | Aleix ESPARGARO | Power Electronics Aspar | 147.9 | +1'14.079 |
11 | 5 | 24 | Toni ELIAS | Pramac Racing Team | 147.3 | +1'26.305 |
12 | 4 | 22 | Ivan SILVA | Avintia Blusens | 146.5 | +1'40.274 |
13 | 3 | 5 | Colin EDWARDS | NGM Mobile Forward Racing | 146.0 | 1 круг |
14 | 2 | 77 | James ELLISON | Paul Bird Motorsport | 145.5 | 1 круг |
15 | 1 | 15 | Steve RAPP | Attack Performance | 145.3 | 1 круг |
16 | 20 | Aaron YATES | GPTech | 142.5 | 1 круг | |
Без пласман | ||||||
35 | Cal CRUTCHLOW | Monster Yamaha Tech 3 | 149.7 | 19 круга | ||
14 | Randy DE PUNIET | Power Electronics Aspar | 147.0 | 20 круга | ||
11 | Ben SPIES | Yamaha Factory Racing | 150.7 | 22 круга | ||
51 | Michele PIRRO | San Carlo Honda Gresini | 135.6 | 27 круг | ||
54 | Mattia PASINI | Speed Master | 0 круга | |||
9 | Danilo PETRUCCI | Came IodaRacing Project | 0 круга |
Генерален пласман
Поз. | Возач | Мотор | Земја | Бодови |
---|---|---|---|---|
1 | Jorge LORENZO | Yamaha | SPA | 225 |
2 | Dani PEDROSA | Honda | SPA | 207 |
3 | Casey STONER | Honda | AUS | 186 |
4 | Andrea DOVIZIOSO | Yamaha | ITA | 137 |
5 | Cal CRUTCHLOW | Yamaha | GBR | 106 |
6 | Stefan BRADL | Honda | GER | 94 |
7 | Alvaro BAUTISTA | Honda | SPA | 92 |
8 | Valentino ROSSI | Ducati | ITA | 91 |
9 | Nicky HAYDEN | Ducati | USA | 84 |
10 | Ben SPIES | Yamaha | USA | 66 |
11 | Hector BARBERA | Ducati | SPA | 60 |
12 | Aleix ESPARGARO | ART | SPA | 39 |
13 | Randy DE PUNIET | ART | FRA | 33 |
14 | Karel ABRAHAM | Ducati | CZE | 18 |
15 | Yonny HERNANDEZ | BQR | COL | 17 |
16 | Michele PIRRO | FTR | ITA | 16 |
17 | James ELLISON | ART | GBR | 14 |
18 | Colin EDWARDS | Suter | USA | 14 |
19 | Mattia PASINI | ART | ITA | 13 |
20 | Ivan SILVA | BQR | SPA | 11 |
21 | Danilo PETRUCCI | Ioda | ITA | 9 |
22 | Toni ELIAS | Ducati | SPA | 5 |
23 | Steve RAPP | APR | USA | 1 |