Сезоната започна на најдобар можен начин, со фантастична трка во која имаше многу пресврти и падови за најава на она што може да биде една од најдобрите сезони во последните години.

Сезоната започна на најдобар можен начин, со фантастична трка во која имаше многу пресврти и падови за најава на она што може да биде една од најдобрите сезони во последните години.

Првата рунда во сезоната започна невообичаено од резултатски аспект со првиот тренинг, на кој „вонземјаните“ ги немаше, а најдобар резултат забележа Алеш Еспергаро со својата сателитска Јамаха.

Трката започна со Маркез на пол позицијата, следен од Алваро Баутиста и Бредли Смит, но Хорхе Лоренцо беше човекот кој изби на чело на колоната, а Валентино Роси успеа да дојде до 8-та позиција од почетната 10-та. Сепак радоста на фановите на Лоренцо траше кратко бидејќи за жал шпанецот падна во 15-от свиок од истиот круг.

По падот на Лоренцо првата позиција ја превзема Штефан Брадл, кој стартуваше од седмото место, а успеа да ги помине и Маркез и Роси, кои до крајот останаа во главна улога. Брадл не го издржа притисокот и заврши крај патеката, а Роси со избивање на првата позиција ги крена малубројните гледачи на нозе. До крајот следевме одлично возење и од Алваро Баутиста кој исто како и Лоренцо немаше среќа да ја заврши трката, а во листата на паднати возачи се вброи и Пол Еспергаро.

Трката во Катар не потсети на оние фантастични трки кои Роси ги имаше со Стонер и Лоренцо, овојпат тоа беше Маркез, а „Докторот“ покажа дека се враќа во игра. Не тактизираше, не одеше на сигурно возење и 20 бодови од втората позиција, напротив, возеше агресивно и во директен дуел се обиде да дојде до првата позиција.

Следната трка се вози на 13-ти Април на патеката „Circuit Of The Americas“ во САД.