Патеката „Circuit of The Americas“ во Остин, САД, беше домаќин на дводневен МотоГП тест на кој учествуваа тимовите на Хонда и Јамаха.
Патеката „Circuit of The Americas“ во Остин, САД, беше домаќин на дводневен МотоГП тест на кој учествуваа тимовите на Хонда и Јамаха.
Петмина возачи имаа можност да ја пробаат новата патека која годинава беше додадена во МотоГП календарот. Марк Маркез, Дани Педроза и Штефан Брадл од Хонда возеа со Хорхе Лоренцо и Валентино Роси од Јамаха.
Првиот ден помина во знакот на Маркез кој постави време далеку подобро од својот клубски колега Педроза. Дани денешниот ден го заврши на четвртата позиција, но според неговите зборови, направиле неколку промени на суспензијата и менувачот и испробале различни параметри, сепак проблем за тимот е што патеката ја возат за прв пат па немаат со што да ги споредат резултатите.
Дека се работи за навистина интересна патека потврди и Валентино Роси кој изјави „Патеката е многу техничка, има многу кочење, но истовремено е доволно широка за претекнување. Забавна е, а и времето не е премногу жешко па мислам дека ќе имаме одлична трка овдека.“
Резултати од првиот ден:
1 | Marc Marquez | 2'04.619 | SPA | HONDA | Repsol Honda Team |
2 | Dani Pedrosa | 2'05.047 | SPA | HONDA | Repsol Honda Team |
3 | Jorge Lorenzo | 2'05.291 | SPA | YAMAHA | Yamaha Factory Racing |
4 | Stefan Bradl | 2'06.053 | GER | HONDA | LCR Honda MotoGP |
5 | Valentino Rossi | 2'06.507 | ITA | YAMAHA | Yamaha Factory Racing |
Резултати од вториот ден:
1 | Marc Marquez | 2'04.363 | SPA | HONDA | Repsol Honda Team |
2 | Stefan Bradl | 2'04.640 | GER | HONDA | LCR Honda MotoGP |
3 | Jorge Lorenzo | 2'04.664 | SPA | YAMAHA | Yamaha Factory Racing |
4 | Dani Pedrosa | 2'04.686 | SPA | HONDA | Repsol Honda Team |
5 | Valentino Rossi | 2'05.518 | ITA | YAMAHA | Yamaha Factory Racing |
Третиот и последен официјален тест, на кој ќе бидат присутни сите тимови и возачи, ќе се одржи во Херез од 23 до 25 Март.