Новиот возач на Repsol Honda ќе го пропушти првиот тест од сезоната 2019 поради операција на раката

Подготовките на Хорхе Лоренцо со новиот тим започнаа лошо откако беше потврдено дека три кратниот светски шампион ќе го пропушти првиот тест од новата сезона поради повредата на раката. Лоренцо скрши мала коска на левата рака за време на тренингот во Италија. Според Repsol Honda, Лоренцо одлучил да има операција.

Шпанецот ќе остане во болница во следните 24 часа а потоа ќе замине на официјалната презентација на тимот која ќе се случи во среда во Мадрид. Поради природата на повредата, тимот и Лоренцо одлучија тој да го пропушти тестот во Сепанг.

Со ова сега на Лоренцо му оставува само вториот и последен тест кој ќе се оддржи на патеката во Катар помеѓу 23. и 25. Фебруари. Неговата деби трка се очекува да биде на 10-ти Март.

Поранешниот возач на Ducati пропушти четири од последните пет трки минатата година откако доживеа скршеница на зглобот на левата рака. Во моментов, и двајцата возачи на Honda заздравуваат од повреда. Актуелниот шампион, Марк Маркез во Октомври минатата година имаше операција на рамото.

Возачот на LCR, Кал Кратчлоу се уште се опоравува од тешката повреда на ногата која ја доживеа минатата година и во моментов само Такааки Накагами е единствениот здрав MotoGP возач на Honda. Кратчлоу има за цел да настапи на тестот во Сепанг, што ќе биде негов прв настап после трката која се возеше на Филип Ајленд.

Лоренцо беше светски шампион со Yamaha во 2010, 2012 и 2016 година а минатата сезона со тимот на Ducati победи на три трки.

Доколку стигне до победи и со тимот на Honda, Лоренцо ќе им се приклучи на Мајк Хејлвуд, Ренди Мамола, Еди Лосон и Лорис Капироси како единствените возачи кои успеале да дојдат до победа во премиерната класа со три различни тимови.

За време на последниот тест кој се оддржа на патеката во Херез , Маркез и Лоренцо завршија на третата односно петата позиција.