MotoGP

MotoGP: Крачлоу исфрустриран по Катар

„По одлично извозениот тренинг и квалификации, завршувањето на петото место е малку фрустрирачки“ - Кал Кратчлоу.

Следете нè на:

 

cal-katarСо возењето коа го прикажа, само прашање на време е кога Крачлоу ќе дојде до првиот подиум

„По одлично извозениот тренинг и квалификации, завршувањето на петото место е малку фрустрирачки“ - Кал Кратчлоу.

Кал Кратчлоу го дефинираше својот статус на фаворит во поголемиот дел од гран при викендот во Катар и беше дел од возбудлива борба за место на подиумот се додека не направи грешка.

Стартувајќи како втор, возачот на Monster Yamaha Tech 3 помина поголем дел од трката позади возачите на Repsol Honda, Дани Педроса и Марк Маркез.

Валентино Роси се приклучи на групата во завршната фаза од трката, а потоа Италијанецот го помина Кратчлоу на главниот правец.

Англичанецот направи грешка при влегувањето во првиот свиок, и ја заврши борбата за место на подиумот. Сепак инцидентот не го чинеше дополнителни позиции и Кратчлоу остана како најдобро пласиран сателитски возач.

„По одлично извозениот тренинг и квалификации, завршувањето на петото место е малку фрустрирачки,“ призна Кратчлоу. „Моето темпо ветуваше и мислам дека заслужив да се најдам на подиумот, но видливо беше дека ми недостига брзина на правецот.“

„Морав да ризикувам во свиоците за да ја намалам разликата. Доколку успееме да го решиме тој мал проблем, не се сомневам дека ќе можам да ги предизвикам момците на врвот.“

„Беше добра битка со Дани и Марк. Одличен беше и Валентино бидејќи јас бев повеќе од 3 секунди пред него но тој сепак ме претекна. Тој возеше одлично но исто така одличен беше и Хорхе кој покажа дека ќе биде главен фаворит.“

„Беше одлична вечер за Yamaha но и за Monster Yamaha Tech 3 тимот бидејќи покажав дека можам да се борам за место на подиумот. Првите четворица се најдобрите возачи на најдобрите моторцикли но јас ги притискав најмногу што можев се додека една мала грешка не ме спречи во тоа.“

„Јас сум веднаш зад нив и се надевам дека повторно ќе бидам при врвот на трката во Остин.“

Неговиот тимски колега, дебитантот Бредли Смит излета од патеката.

Да потсетиме, трката во Остин се вози на 21 април.

 

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.