Трката за ГН на Германија започна необично заради дождот кој паѓаше пред трката, па така поголем дел од возачите наместо од стартната рамнина, трката ја започнаа од боксот.
Трката за ГН на Германија започна необично заради дождот кој паѓаше пред трката, па така поголем дел од возачите наместо од стартната рамнина, трката ја започнаа од боксот.
Старт од пит лејнот наместо од стартната рамнина за Марк Маркез, Дани Педроса, Валентино Роси, Хорхе Лоренцо и многу други возачи кои се одлучија за промена на моторот пред стартот на трката. Пред почетокот на загревачкиот круг трката беше означена како мокра, но по вртењето на првиот круг возачите сватија дека прават грешка со пневматиците за дожд бидејќи патеката брзо се сушеше, па се одлучија за промена на моторите. Еден од ретките возачи кои направи правилна проценка на ситуацијата беше Штефан Брадл кој заедно со возачите од задниот дел на гридот стартуваше како што треба, од стартната рамнина.
За жал сетапот на моторот на Брадл беше наместен за мокра трка, па иако тимот успеа да направи промена на пневматиците на време, лошиот сетап на крајот му го донесе само 16-то место на неговата домашна патека.
Марк Маркез повторно беше максимално мотивиран и сконцентриран, па иако стартуваше од боксот успеа да ја забележи деветтата победа од девет трки, соборувајќи го рекордот во МотоГП за најмлад победник на девет последователни трки од 1964 година. Единствен возач кој барем на момент најави дека може да му ги помати сметките беше неговиот клубски колега Дани Педроса, но на крајот Маркез забележа победа со предност од 1,5 секунди пред Педроса.
Хорхе Лоренцо возеше одлична трка, по подолго време го видовме мотивираниот Шпанец како се бори за секоја педа од асвалтот, па иако имаше лош старт успеа да ги помине поголем дел од возачите пред него, вклучувајќи го и Валентино Роси, за на крајот да заврши на подиумот како третопласиран.
Роси во Германија успеа да извози само за четврта позиција, и со тоа го загуби второто место во генералниот пласман, во кој сега заостанува 7 бодови зад Педроса. Убедлив на табелата е Маркез со максимални 225 бода, втор е Педроса со 148, Роси е трет со 141, а на четвртата позиција се наоѓа Андреа Довициозо со 99 бода. Хорхе Лоренцо во генералниот пласман е на петтата позиција со 97 бода.
Поз. | Бодови | Бр. | Возач | Земја | Тим | Мотор | Време |
---|---|---|---|---|---|---|---|
1 | 25 | 93 | Marc MARQUEZ | SPA | Repsol Honda Team | Honda | 41'47.664 |
2 | 20 | 26 | Dani PEDROSA | SPA | Repsol Honda Team | Honda | +1.466 |
3 | 16 | 99 | Jorge LORENZO | SPA | Movistar Yamaha MotoGP | Yamaha | +10.317 |
4 | 13 | 46 | Valentino ROSSI | ITA | Movistar Yamaha MotoGP | Yamaha | +19.194 |
5 | 11 | 29 | Andrea IANNONE | ITA | Pramac Racing | Ducati | +23.509 |
6 | 10 | 41 | Aleix ESPARGARO | SPA | NGM Forward Racing | Forward Yamaha | +27.809 |
7 | 9 | 44 | Pol ESPARGARO | SPA | Monster Yamaha Tech 3 | Yamaha | +33.253 |
8 | 8 | 4 | Andrea DOVIZIOSO | ITA | Ducati Team | Ducati | +33.868 |
9 | 7 | 19 | Alvaro BAUTISTA | SPA | GO&FUN Honda Gresini | Honda | +34.231 |
10 | 6 | 35 | Cal CRUTCHLOW | GBR | Ducati Team | Ducati | +34.676 |
11 | 5 | 45 | Scott REDDING | GBR | GO&FUN Honda Gresini | Honda | +37.744 |
12 | 4 | 7 | Hiroshi AOYAMA | JPN | Drive M7 Aspar | Honda | +45.018 |
13 | 3 | 17 | Karel ABRAHAM | CZE | Cardion AB Motoracing | Honda | +45.177 |
14 | 2 | 69 | Nicky HAYDEN | USA | Drive M7 Aspar | Honda | +46.676 |
15 | 1 | 9 | Danilo PETRUCCI | ITA | Octo IodaRacing Team | ART | +52.769 |
16 | 6 | Stefan BRADL | GER | LCR Honda MotoGP | Honda | +53.889 | |
17 | 68 | Yonny HERNANDEZ | COL | Energy T.I. Pramac Racing | Ducati | +54.476 | |
18 | 8 | Hector BARBERA | SPA | Avintia Racing | Avintia | +56.215 | |
19 | 38 | Bradley SMITH | GBR | Monster Yamaha Tech 3 | Yamaha | +56.293 | |
20 | 5 | Colin EDWARDS | USA | NGM Forward Racing | Forward Yamaha | +1'04.083 | |
21 | 23 | Broc PARKES | AUS | Paul Bird Motorsport | PBM | +1'10.928 | |
22 | 63 | Mike DI MEGLIO | FRA | Avintia Racing | Avintia | +1'19.975 | |
Без пласман | |||||||
70 | Michael LAVERTY | GBR | Paul Bird Motorsport | PBM | 13 круга |