Возачот на Monster Tech 3 Yamaha, Јонас Фолгер, ги брои часовите до неговиот деби настап во MotoGP
Јонас Фолгер е среќен бидејќи чекањето конечно заврши и наскоро ќе го има своето деби во MotoGP на трката која овој викенд ќе се оддржи во Катар.
Дебитантот од Германија имаше импресивен настап за време на зимските тестови и ги зголеми очекувањата за претстојната сезона.
Фолгер признава дека постигнал голем напредок на сателитскиот М1, а сега сака да постигне добар резултат на трката која ќе се оддржи во недела.
„Мојата екипа и јас сме многу возбудени и мотивирани во пресрет на новата сезона. Со нетрпение чекаме да излеземе на патеката. После толку долго чекање конечно е време за акција. Имавме позитивни зимски тестови и на секој од нив остваривме голем напредок.“
„Во однос на последниот тест во Катар, морам да признаам дека уживав за време на настапот бидејќи моето темпо беше одлично а испробавме и голем број на други работи. Ги потврдивме и некои од главните сетинзи на мотоциклот. Имаме голема самодоверба во пресрет на трката бидејќи знаеме на каде треба да се движиме и имаме поставено солидна основа.“
За време на тестот во Катар Фолгер го постигна осмиот најдобар резултат со заостанување од 0.477 секунди зад возачот на Movistar Yamaha, Маверик Вињалес.