Актуелниот МотоГП шампион Марк Маркез се здоби со скршеница на ногата за време на мотокрос тренинг на патека западно од Барселона.
Актуелниот МотоГП шампион Марк Маркез се здоби со скршеница на ногата за време на мотокрос тренинг на патека западно од Барселона.
Маркез веднаш по падот беше однесен во болницата во Барселона каде по направените испитувања е потврдена скршеницата. Според зборовите на докторот Хавиер Мир, за среќа Маркез нема оштетување на лигаментите ниту дислокација па нема да биде потребна операција, но за целосно закрепнување ќе бидат потребни 3-4 недели.
Благодарение на магнетната терапија со која веднаш започна Маркез се очекува за овој период тој да биде целосно опоравен од повредата. За сега HRC тимот потврди дека Маркез ќе го пропушти тестирањето во Малезија, но најави дека е можно тој да го пропушти и тестирањето на Филип Ајленд. Во секој случај тимот очекува Маркез да биде целосно подготвен за првата трка која ќе се вози на 23 март во Катар.