Марк Маркез кој доминираше на тренинг сесиите и дојде до четвртата пол позиција во МотоГП, успеа и да се искачи на највисокото место на пиедесталот во Индијанаполис и со тоа да ја зголеми предноста во генералниот пласман пред својот клубски колега.

Маркез во генералниот пласман сега го зголеми водството на 21 бод пред Педроса

МотоГП фановите со нетрпение го очекуваа продолжението на шампионатиот по летната пауза, а трката во Индијанаполис покажа дека со право МотоГП е мотоспорт број 1 во моментот.

Марк Маркез кој доминираше на тренинг сесиите и дојде до четвртата пол позиција во МотоГП, успеа и да се искачи на највисокото место на пиедесталот во Индијанаполис и со тоа да ја зголеми предноста во генералниот пласман пред својот клубски колега. 

Маркез кој за прв пат годинава вози во „кралската“ класа е на добар пат да ја освои и шампионската титула, бидејќи сега на 8 трки до крајот на шампионатот има предност од 21 бод пред својот клубски колега Дани Педроса. Секако дека има уште многу да се вози, во игра е и Хорхе Лоренцо кој заостанува за 35 бодови но според досега прикажаното, Марк Маркез е дефинитивен фаворит за титулата.

Денешната трка изобилуваше со возбудувања, Хорхе Лоренцо успеа на стартот да дојде до првата позиција, која успешно ја бранеше до половина од трката но потоа на сцената настапи Маркез кој успеа да го помине Педроса за втората позиција, а потоа и Лоренцо. Дани Педроса исто така покажа одлично возење, на крајот и тој успеа да го помине возачот на Јамаха, за 1-2 победа на Хонда во САД.

Следевме феноменална борба и за четвртата позиција во која последните кругови беа возбудливи за фановите на Роси, Крачлоу и Баутиста. На крајот Валентино Роси успеа да дојде до четвртата позиција иако стартуваше од деветото место, пред Крачлоу и Баутиста. 

Последниот круг го одбележаа и возачита на Дукати, Ники Хејден и Андреа Довициозо, кои успеаја во последниот свиок да се судрат, па иако се вратија на патеката, му го препуштија осмото место на Бредли Смит.

Генерален пласман: