MotoGP

Маркез: Ако не се обидев да го претекнам Довициозо во последниот круг немаше да заспијам

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Следете нè на:

 

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Актуелниот светски шампион имаше неверојатна трка заедно со Довициозо и во текот на сите 28 круга двоецот постојано се менуваше на првата позиција. И како и секогаш, Маркез најдоброто го чуваше за крај.

686952

И покрај тоа што се наоѓаше четири позиции пред најблискиот конкурент за титулата, Маверик Вињалес, Маркез одлучи да ризикува во последниот свиок. Но иако заврши на второто место, смета дека имало и позитивни работи: Не само што и Вињалес имаше проблеми, туку во споредба со минатата година, перформансите се значително подобри.

„Секако, во последниот круг размислував за се но не и за титулата. Одлучив да притиснам бидејќи знаев дека победата е многу важна. Но и второто место е подеднакво добро.“

„Минатата година имавме големи проблеми тука. Оваа сезона бевме многу поблиску до возачите на Ducati. Но денеска Довициозо, особено во последниот круг, беше подобар. Се обидов да го претекнам во последниот свиок бидејќи знаев дека ако не го сторам тоа немаше да можам да заспијам. Беше ризично на крајот но сепак сум задоволен бидејќи овие 20 поени се навистина важни.“

„Имав проблеми со предната гума. Сакав да возам со тврда но не ја испробав во текот на викендот и затоа не сакав да ризикувам. Во последниот свиок Довициозо ме прочита што сакав да направам и ми го затвори аголот. Но тоа е нормално бидејќи тој е навистина добар возач.“

„Мислам дека ова беше импресивна трка, навистина возбудлива. Возевме со брзина од 300 километри на час еден зад друг. Во еден момент дури и го допрев неговото тркало. Успеавме да ја преживееме трката. Завршивме на второто место. Ако ми кажевте во четвртокот дека ќе завршев како втор би ви рекол дека тоа е добар резултат. Задоволен сум бидејќи ја зголемивме предноста во шампионатот. Задоволен сум бидејќи ја остваривме целта, се обидуваме да завршиме на подиумот на секоја трка и се обидуваме да бидеме конзистентни во сите услови и на сите патеки.“

Би можело да ве интересира

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Не е необично кога одредена компанија со цел да привлече што е можно поголемо внимание, одлучува за време на некое мото шоу да претстави мотоцикл кој се базира на некој иден модел. Но R18 "Departed" кој го видовме за време на мото шоуто во Јокохама има уникатен 1800cc мотор.

„После 20 години прекинува прозиводството на големиот мотоцикл на Suzuki“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.