MotoGP

Лоренцо: „Само сакам да уживам во останатите 15 трки за Yamaha“

Хорхе Лоренцо ќе ја напушти Yamaha на крајот на 2016 година, но останува фокусиран на предизвиците кои го очекуваат оваа сезона.

Следете нè на:

 

На почетокот на неделава се потврди информацијата дека Лоренцо ќе го напушти тимот на Yamaha и во сезоните 2017 и 2018 ќе вози за Ducati. Оваа вест се најде на насловните страни на сите спортски списанија но фокусот и целите на Лоренцо сепак остануваат непроменети. Неговата цел е да го освои MotoGP шампионатот со тимот на Yamaha и да постигне што е можно повеќе победи. Четвртата трка од шампионатот ќе се вози на патеката во Херез која му е една од омилените. Таму има и еден свиок кој е именуван по него.

99 jorge lorenzo esp gp 8628 2.middleЛоренцо е фокусиран на шампионатот

Лоренцо веќе има остварено победи на оваа патека во 2010, 2011 и 2015 во MotoGP класата, а исто така две победи има остварено и во класата од 250cc. Трката во 2015 беше една од неговите најдобри трки. Тој стартуваше од првиот ред и го задржа првото место се до крајот на трката. Доколку успее да се искачи на подиумот на трката во Херез, тоа ќе биде негов 100ти подиум и ќе стане само третиот возач во 68-годишната историја на трките на кој му успеал овој потфат. Во 2015 година тој постигна победа на оваа патека и ја почна серијата од четири победи, а со оглед на тоа дека Марк Маркез веќе има предност од 21 поен, ќе му биде од голема помош доколку успее да ги повтори истите перформанси.

„Конечно стигневме во Херез каде ќе се оддржи првата Европска трка. Херез е една од моите омилени патеки, особено поради атмосферата која ја прават навивачите. Минатата сезона после оваа трка имавме одлична серија и се надевам дека и сега ќе биде исто. Како што сите знаете следната сезона нема да настапувам за Yamaha. Почувствував дека ми треба промена, нов предизвик во кариерата, да си поставам нови цели и да се обидам да ги постигнам. Благодарен сум и на Yamaha поради сите моменти што ги доживеавме заедно. Постигнав многу повеќе отколку што се надевав. Не знам што ќе се случи во иднина, но знам само дека сакам да уживам во последните 15 трки кои ќе ги возам за Yamaha и во кои ќе се обидам да ја освојам титулата. Во моментов, тоа е мојата единствена цел.“Хорхе Лоренцо

 

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.