MotoGP

KTM MotoGP машината има очигледен напредок

KTM MotoGP машината покажа очигледен напредок на тестот во Валенсија, патеката на која Австрискиот тим планира да го има својот деби настап.

Следете нè на:

 

KTM MotoGP машината покажа очигледен напредок на тестот во Валенсија. На оваа патека, кон крајот на 2016 година тимот на KTM планира да го има својот деби настап.

RC16 претходно се најде на шпанската патека минатиот ноември кога Мика Калио го имаше своето деби.

Оваа недела Финецот повторно беше на патеката заедно со колегата Ренди де Пуние. Првиот настап на RC16 де Пуние го имаше на првиот тест за 2016 година на патеката во Херез.

И покрај променливото време, првиот ден имаше дожд, вториот сонце, а третиот ден беше облачно, Мајк Лајтнер од KTM изјави дека бил постигнат значителен напредок.

AU1403302KTM RC16 MotoGP

„Тимот повторно имаше напредок во делот на електрониката и успеавме подобро да ги разбереме пневматиците. Во однос на перформансите, исто така има голем напредок во однос на тестот што го имавме тука во ноември минатата година.“

Калио потврди дека главните придобивки во овој момент се во однос на електрониката и пневматиците и додаде дека работат напорно за да бидат уште подобри.

„Последниот ден откривме две важни работи. Работевме на предниот дел и на балансот на мотоциклот.  Исто така позитивно е како работи електрониката. Загубивме повеќе од еден ден поради времето но сепак го исполнивме планот. Се повеќе и повеќе се чувствувам удобно на мотоциклот. “

Де Пуние кој претходно му помогна на Suzuki да го подготви GSX-RR за дебито во MotoGP изјави:

„За мене ова беше навистина важен тест. Задоволен сум со мотоциклот и успеавме да пробаме многу нови делови. Сепак поради временските услови јас извозев помалку кругови од Мика. Но со искуството што и двајцата го стекнавме, на следниот тест ќе бидеме уште подобри.“

Следниот MotoGP тест на KTM ќе се оддржи кон крајот на април.

 

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.