MotoGP

Ducati: MotoGP „крилцата“ ќе останат

„Минатата година кога се појавивме со нив сите ни се смееја... Сега речиси сите ги користат“

Следете нè на:

 

Ducati не очекува дека MotoGP ќе ја забрани употребата на аеро динамичните „крилца“.

Италијанската компанија ја претстави најновата генерација од оваа технологија пред една година во Катар. Во текот на сезоната, тие неколкупати беа менувани. Yamaha ја претстави својата верзија во септември, а Honda исто така експериментираше со нив во текот на претсезонските тестирања.

Сепак, некои возачи искажаа загриженост поради можноста од повреда како и поради турбуленцијата што ја предизвикува за останатите возачи.

Поради тоа, постојат гласини дека крилцата ќе бидат забранети на крајот на сезоната.

PA1857239.0008Во Дукати први ги воведоа „крилцата“, сега скоро секој МотоГП тим ги користи

„Не, не верувам,“ изјави спортскиот директор на Ducati Corse, Паоло Чиабати, пред да биде објавено дека тие ќе бидат забранети во Moto2 и Moto3 класите.

„Минатата сезона кога дојдовме тука, сите ни се смееја. На половина од сезоната, дел и од останатите тимови почнаа да ги користат. Сега речиси сите ги користат.“

„Мислам дека Ducati е првиот тим на кој му стана јасно дека е добро да се работи малку повеќе на аеродинамиката. Очигледно, некои возачи можеби ќе се жалат, но сите производители ќе ги имаат на крајот. Мислам дека тоа е еволуцијата на спортот и Ducati е пионер во овој дел, само тоа можам да го кажам.“

И двата возачи на Ducati се бореа за победа на првата трка која се оддржа во Катар, а Андреа Довициозо заврши на второто место. Победник на трката беше Хорхе Лоренцо. 

 

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.