Младиот Марк Маркез дојде до четвртата последователна победа во МотоГП шампионатот на фантастичната трка на Брно.

Марк Маркез стана првиот почетник кој дошол до пет победи во својата прва МотоГП сезона

Младиот Марк Маркез дојде до четвртата последователна победа во МотоГП шампионатот на фантастичната трка на Брно. Возачот на Хонда до сега ги собори сите можни рекорди и со право е чело во генералниот пласман по 11 извозени трки во кои забележа дури 5 победи. Четвртата по ред денеска на Брно доаѓа по победите на Захсенринг, Лагуна Сека и Индијанаполис.

Возбудливата трка, онаква каква одамна не сме следеле во МотоГП, беше неизвесна до самиот крај во кој борбата за првата позиција се одвиваше помеѓу Хорхе Лоренцо, Дани Педроса и Марк Маркез. Лоренцо иако водеше од првиот круг па се до 10 круга пред крајот, во финишот не успеа да го издржи налетот на Меркез, а потоа и на Педроса и мораше да се задоволи со третата позиција.

Самата трка започна на патеката Брно со температура од 22 степени, а во втората половина од трката беше истакнато и белото знаме иако немаше видливи траги од дожд на патеката. За среќа дождот изостана во Чешка, а возачите продолжија во борбата за првата позиција без да влегуваат во боксот.

Кал Крачлоу кој прикажа солидно возење не успеа да ја задржи четвртата позиција за која се бореше со Алваро Баутиста и Валентино Роси, па откако излета од патеката, успеа да се врати назад и на крајот да финишира на 17-та позиција.

Четвртото место му припадна на Валентино Роси кој и тоа како се намачи да го помине Алваро Баутиста, а Штефан Брадл финишираше на шестата позиција.

Возбудувањата во МотоГП шампионатот продолжуваат следниот викенд кога се вози трката за ГН на Велика Британија на патеката Силверстоун.

Резултати од трката во Брно:

 Во генералниот пласман состојбата е следна: