„Мојата цел е иста како и секогаш: Да се борам за место на подиумот и да ја постигнам мојата прва победа со тимот на Ducati.“ - Лоренцо

Хорхе Лоренцо вели дека неговата цел за овој викенд е едноставна, уште еднаш да се обиде да ја постигне првата победа на машината на Ducati. Во изминативе неколку недели Шпанецот е се поблиску до својата цел, а поради темпото кое го имаше како на влажни така и на суви услови на последните две трки, Лоренцо смета дека сега е неговата шанса. Шпанецот вели дека е уверен дека ќе има добар настап на трката која се вози во Јапонија.

lorenzo motegi

„Местото на подиумот на трката во Арагон е многу важно за тимот и тоа значи дека се движиме по вистинскиот пат. Сега не очекува финалниот дел од сезоната и имаме три трки кои се возат едноподруго. Мојата цел е иста како и секогаш: Да се борам за место на подиумот и да ја постигнам мојата прва победа со тимот на Ducati.“

„Мотеги е една од моите омилени патеки и досега успеав неколку пати да победам тука. Мислам дека нашиот мотоцикл добро се адаптира на карактеристиките на патеката и затоа имаме шанса да постигнеме добар резултат.“

Сепак, желбата на Лоренцо можеби и нема да се исполни со оглед на тоа дека неговиот тимски колега Андреа Довициозо е дел од борбата за титулата.

„Мотеги е специјална патека, една од моите омилени. Мора да притискаш многу силно при сопирање но сигурен сум дека ќе бидеме едни од фаворитите за победа. Имам самодоверба бидејќи и во минатото тука имам постигнувано добар резултат. Следните четири трки ќе бидат од големо значење во борбата за титулата и ние сме спремни да се бориме до самиот крај.“

Back To Top