Мотоцикли

Yamaha го претстави новиот MT-10

Со желба да станат најдобри во сè попопуларната „super naked“ категорија, Yamaha најави фантастична машина која очигледно сака да го превземе местото на BMW S1000R.

Следете нè на:

 

yamaha 2016 19Yamaha MT-10 2016

Со желба да станат најдобри во сè попопуларната „super naked“ категорија, Yamaha најави фантастична машина која очигледно сака да го превземе местото на BMW S1000R.

За моторот:

Новиот MT - 10 за прв пат беше претставен на овогодинешниот саем „ECIMA“ во Милано. На прв поглед можеби ќе ви личи на  нешто помеѓу Triumph Speed Triple и Johnny 5, но во суштина тој е соголен YZF-R1.

Тој го има истиот линиски агрегат со зафатнина од 999 кубика кој сигурно ќе има нешто повеќе од 165 коњски сили.  Тој ја има и истата шасија, задна вилушка, суспензија и тркала како и YZF-R1. Низ светот, MT - 10 ќе биде на чело на се поголемата MT фамилија која и донесе огромен успех на Yamaha. MT - 10 и MT - 09 се на листата на најдобро продавани мотоцикли за 2015 година.

Како и кај MT-09, и моделот MT-10 ќе овозможи избор од три начини на возење како и три можности за контрола на стабилноста. Системот функционира на тој начин што постојано внимава задното тркало да не се закочи.  Доколку се случи тоа, системот ја корегира гаста како и волуменот на вбризгување на гориво за да му помогне на возачот да ја поврати контролата.

yamaha 2016 20„Соголениот“ R1 беше претставен на саемот „EICMA“ во Милано

Моделот  MT - 10 исто така ќе има и „Assist & Slipper Clutch“ за да го олесни менувањето на брзина. Се повеќе, овој додаток станува составен дел кај оваа класа на мотоцикли. Исто како и ЛЕД светлата кои ги има напред и позади.

Можеби конфузно, со оглед на намената на овој мотоцикл, но и круз контролата е исто така стандарден дел. Дали ова би бил вашиот прв избор за подолги патувања?

На прес конференцијата на која присуствувавме пред почетокот на саемот од Yamaha нагласија дека овој мотоцикл е дизајниран за да може да прими многу додатоци од асортиманот на Yamaha како што е држач за мобилен и торба.

yamaha 2016 21Штандот на Јамаха предизвика големо внимание благодарение на новиот MT-10

Во меѓувреме, двојниот 320 милиметарски преден диск заедно со 220 милиметарскиот заден диск ќе им овозможи вистинско задоволство на сите љубители на MT-10.  ABS сопирачките се стандарден дел.

Меѓу другото, овој мотоцикл има:

  • Одлична положба за возење
  • Прекрасен дизајн на предниот дел
  • 1400 милиметри растојание меѓу оските
  • Носечка рамка од алуминиум
  • Алуминиуски бандаши со пет краци
  • Стандарден 12v приклучок
  • Мултифункционален LCD екран
  • Систем за брза промена

Достапност:

Мотоциклот ќе биде достапен во Европа во Мај 2016 година.  За сега нема најава за цената но со оглед на тоа што се работи за „соблечен“ R1 не очекуваме сума која ќе може секој да си ја дозволи.

 

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.