Заменувајќи го CBR125R, верзијата CB додава доза на софистицираност на целата класа. Тој нуди изглед и компоненти на голем мотоцикл кој во суштина е исклучително лесен и со полн резервоар можете да поминете речиси 500 километри.
Моделот CB125R на Honda е нивниот последен излет во исклучително конкурентната спортска 125cc класа и е наменет за новите возачи. Заменувајќи го CBR125R, верзијата CB додава доза на софистицираност на целата класа. Тој нуди изглед и компоненти на голем мотоцикл кој во суштина е исклучително лесен и со полн резервоар можете да поминете речиси 500 километри.
Во срцето на CB125R се наоѓа 2v SOHC едно цилиндричниот мотор кој произведува 13.1 коњски сили. Иако во споредба со своите конкуренти, кај оваа верзија моќноста е помала, она што го нуди е сосема доволно за возење низ град.
Испораката на моќта е линеарна и предвидлива издигнувајќи се до 11.000 вртежи во минута. Звукот кој го произведува овој мотоцикл е навистина добар пред се благодарение на издувот кој го дизајнираше Honda и кој има за цел да им помогне на младите возачи. Како надополнување на ова има и LCD екран кој е многу лесен за ракување.
CB е одличен за возење низ град и за поискусните возачи. Тој ја дели истата рамка и 41mm Showa вилушка како и моделот CB300R кој наскоро треба да се најде на пазарот. Мотоциклот е навистина удобен, а неговата тежина изнесува 125.8 килограми. Но и доколку го возите надвор од градот, овој мотоцикл има што да ви покаже.
За жал, периодот кој го поминав со CB не помина без проблеми, а неколку пати мотоциклот едноставно не сакаше да префрли во прва брзина. Плус, предниот дел на мотоциклот не го нуди она чувство на безбедност кое им е потребно на младите возачи. Но и покрај овие работи, CB125R навистина вреди и се очекува да стане еден од нај популарните градски мотоцикли за почетници во Европа.
Факти...
Мотор: 125cc 2v
Рамка: Челик
Висина на седиштето: 816mm
Суспензија: 41mm телескопска, превртена вилушка и единечен заден амортизер кој не се прилагодува
Предни сопирачки: 296mm единечен диск
Боја: Бела, Црвена, Црна и Сива
Достапен во продавниците од почетокот на април 2018
Моќност: 13.1bhp@10,000rpm
Број на вртежи: 7.4ftlb@8000rpm
Тежина: 125.8 кг
Капацитет на резервоарот: 10.1 литар
Извор: motorcyclenews.com