Мотоцикли

Новата Honda CBR600RR 2013

motori cbr600rr-eicma-4На саемот „EICMA“ во Милано Хонда ги претстави новите модели за 2013. Иако најмногу внимание им беше посветено на новите модели со агрегати од 500цц, на штандот на Хонда блесна и новиот CBR600RR.

Следете нè на:

 

cbr600rr-eicma-4 

На саемот „EICMA“ во Милано Хонда ги претстави новите модели за 2013. Иако најмногу внимание им беше посветено на новите модели со агрегати од 500цц, на штандот на Хонда блесна и новиот CBR600RR.

cbr600rr-eicma-2

Видно изменетата предница е она што прво паѓа во очи, еден од оние моменти за кои е излишно да се коментира, или ви се допаѓа, или не. Нам ни изгледа поразлично од она на што сме навикнати кај CBR600RR, кај „HRC“ верзијата разликата од претходниот модел е потенцирана, додека кај „Repsol“ заради боите предната маска наликува на својот претходник.

cbr600rr-eicma-1

Задницата е карактеристична од времето на CBR1000RR, моделот кој се произведуваше до 2007-ма година, кој иако изгледа подобро од оној на следниот модел, сепак е застарен. На „HRC“ шарата забележителна е традиционалната црна боја на рамот и сребрена за задната вилушка која изгледа многу подобро кај „Repsol“ верзијата на која боите се исти. Деталите ја подобруваат сликата, па така забележителни се повеќе карбонски делови (предниот и задниот браник, штитниците на издувите...).

cbr600rr-eicma-3

Техничките карактеристики се во полза на новиот модел. Изменетата предница го намалува триењето на воздухот за 6%, а предната вилушка на „Showa“ од 41мм ќе помогне за одлична контрола и стабилност на новиот мотор. Впрочем целиот акцент на новиот модел е ставен на шасијата, па не е ни чудно што нема промени во агрегатот. Направена е промена на инјекторите за гориво и вграден е новиот систем „PGM-DSFI“ како и нови мапи за компјутерот, но самиот агрегат е задржан од претходниот модел. Новата Хонда е олеснета во однос на претходната, а забележлив детал се и новите бандажи, исти како оние кои минатата година дебитираа на моделот CBR1000RR.

Новите модели на Хонда ќе пристигнат во салонот на Макпетрол кон крајот на февруари/почетокот на март следната година, цената за новата Honda CBR600RR изнесува 11.990 евра, а моделот со АБС ќе чини 12.990 евра.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.