Целосно нов Honda PCX скутер, се враќаат Ruckus, Metropolitan, CBR300R

Се остварија предвидувањата од минатата година според кои Honda America требаше да објави подобар и помоќен PCX скутер. Исто така се вратија и скутерите Metropolitan и Ruckus а имаме и подобрена верзија на CBR300R.

Новиот PCX има нов изглед, напредна опрема како и поголем, 157cc, мотор. И претходната верзија на овој скутер, која имавме можност да ја тестираме,  2019 PCX150, исто така се покажа како добра и можеше да постигне брзина од 111 километри на час.

Ruckus и Metropolitan се враќаат како модели за сезоната 2022. Тие исто така ќе имаат нова боја. А тука е и CBR300R sportybike.

Дел од соопштението на Honda:

„Скутерите и мотоциклите со помал капацитет продолжуваат да играат важна улога во нашата линија на мотоцикли. Тие им се допаѓаат на новите возачи, забавни се и економични. Со преставувањето на целосно новиот PCX  како и враќањето на скутерите со капацитет од 50cc, има по нешто за сите возачи. CBR300R пак е одличен за оние кои бараат нешто повеќе.“

PCX

Преставен на пазарот во САД во 2009 година како PCX125, овој спортски скутер на Honda претрпе неколку промени и подобрувања низ годините. Тој тренд продолжува и во 2021 година а оваа машина доби 157cc едно цилиндричен мотор. Дизајниран да биде лесен за управување во урбани средини, моторот и понатаму останува тивок и ефикасен. Редизајнираната шасија го подобрува искуството. Намалена е тежината а подобрено е управувањето во свиоците.

Изгледот, практичноста и безбедноста се решени благодарение на LED светлата, поголемиот простор за багаж како и Honda Selectable Torque Control (HSTC).

Боја: Pearl White

Достапен: Март

Metropolitan

Скутер во Европски стил кој има привлечен и заоблен дизајн. Овој компактен скутер има пристапна цена и е лесен за управување. Оние кои сакаат поголема практичност сигурно ќе ги израдува поголемиот простор за багаж, куката за прицврстување како и задниот простор за дополнителна опрема. Metropolitan е одличен скутер кој кратките дестинации ќе ги направи многу забавни.

Боја: Pearl Soft Beige, Coastal Blue  

Достапен: Април

Ruckus

Овој модел лансираше цела субкултура на скутери. Има специфичен дизајн кој го карактеризираат двојните, предни, светла како и неговата рамка. Меѓу попрактичните карактеристики се лесното управување, издржливоста како и малата потршувачка на гориво. Овој скутер, кој има капацитет од 49cc, е одличен избор за возење низ град.

Бои: White/Pearl Blue; Gray,  Midnight Blue/Tan

Достапен: Април

CBR300R

Honda ги научи сите лекции од децениското подобрување на CBR и ги примени во оваа едно цилиндрична машина која е одлична за возење како низ град така и на автопат. Секоја Суперспорт машина има за цел да биде лесна и пргава а CBR300R ги исполнува овие услови. Ако на ова го додадете изгледот, ниското седиште како и достапните ABS сопирачки, тогаш добивате мотоцикл кој одговара на потребите на секој нов возач.

Бои: Grand Prix Red, Matte Gray Metallic

Достапен: Април