MK мотоциклисти на меѓународни трки

Подиум за Марин Сугарев на втората трка од источно европскиот шампионат во брзински мотоциклизам

marin sugarev_plevenИзминатиов викенд во Плевен, Бугарија беше одржан вториот натпревар од Источно Европскиот Шампионат во брзински мотоциклизам, во организација на Бугарската Мотоциклистичка Федерација.

Следете нè на:

 

 

marin sugarev_pleven

Изминатиов викенд во Плевен, Бугарија беше одржан вториот натпревар од Источно Европскиот Шампионат во брзински мотоциклизам, во организација на Бугарската Мотоциклистичка Федерација. На овој натпревар учество земаа повеќе возачи од Македонија, но најзабележителниот резултат го оствари Марин Сугарев во класата до 125 кубни сантиметри, кој втора година по ред настапува во овој Шампионат. По успешната прва сезона, Сугарев се одлучи да обезбеди нов мотоцикл со подобри перформанси, за настапите на трките во класата 125 СП за оваа сезона, па така дебито со новата Априлија РС го имаше на првата трка од Источно Европскиот Шампионат, исто така одржана во Плевен, Бугарија на 20 мај. Уште на првата трка можевме да забележиме дека Марин има потенцијал да обезбедува добри резултати оваа сезона, со оглед на тоа што со новиот мотор на првата трка го обезбеди петото место. Тоа беше голема мотивација за Марин.

marin sugarev_pleven3

Вториот натпреварувачки викенд оваа сезона не започна многу добро за Сугарев, со оглед на падот што го имаше на тренинзите и здобиените полесни повреди, но затоа викендот имаше добар крај. Трката беше одбележана по одличниот старт на Сугарев при кој успеа да помине дел од своите конкуренти, а потоа во постојана борба до целта на трката и да се избори за прв пат во својата кариера, за место на подиумот и за првиот пехар во трка од Источно Европскиот Шампионат во брзински мотоциклизам. Освоеното трето место секако дека ќе биде уште поголем поттик за Марин Сугарев, на следните трки да ги подобрува своите резултати. А можеби ова ќе биде и добар поттик за одредени компании да го помогнат градењето на кариерата на овој млад возач, кој ветува многу за македонскиот мото спорт.

marin sugarev_pleven4

Следно што го очекува Сугарев е патека која е предизвик за секој возач од овој крај, Истанбул парк, Турција, 24 јуни. Радува податокот што Марин веќе еднаш има настапувано на оваа патека минатата сезона и што имаше одлични резултати и на квалификациите и на трката, која не ја заврши поради проблемите со моторот на неговата Априлија 125. Според календарот за оваа сезона после тоа следуваат уште една трка во Истанбул Парк, закажана за јули и шампионатот завршува во Батајница, Србија, во септември. Се надеваме дека по крајот на сезоната, ќе можеме да заклучиме дека Македонија и Мотоциклистичката Федерација на Македонија биле достојно претставени и дека ќе имаме уште многу поводи за славје и гордост.

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.