Продолжуваат возбудувањата во мотоциклизмот, викендов се возат две трки на меѓународна сцена на кои Македонија ќе има свои претставници, а секако тука е и МотоГП трката која се вози во Каталуња.
Продолжуваат возбудувањата во мотоциклизмот, викендов се возат три трки на меѓународна сцена на кои Македонија ќе има свои претставници, а секако тука е и МотоГП трката која се вози во Каталуња.
Источно-Европскиот шампионат продолжува со полно темпо, викендов на патеката Плевен во Бугарија се вози втората рунда од шампионатот во брзински мотоциклизам, како и втората рунда во супермото шампионатот.
Игор Спиров - Зизи на трката во Плевен ќе настапи во класата SBKS600 и ќе биде единствениот претставник на МФМ во брзински мотоциклизам. На првата трка тој го забележа петтото место, а викендов се надева на подобар резултат.
На истата патека викендов се вози и втората рунда (две трки) во Источно-Европскиот шампионат во Супермото. Нашиот Слободан Ивчески - Цобо е пред вториот настап во сезоната и очекува успешен финиш на двете трки.
Освен двајцата наши претставници во Бугарија, викендов уште еден спортист од Македонија ќе учествува на меѓународна трка. Христијан Илиоски - Кико на патеката крај Сараево, Босна и Херцеговина, ќе ги одмери силите со своите противници во класата МХ1. За Кико ова е четврта трка во сезоната, на која се надева на одличен успех.
Надвор од балканските простори, уште еден значаен мото настан не очекува викендов. На патеката Каталуња во Шпанија се вози седмата рунда во МотоГП шампионатот.
Марк Маркез е водечки во шампионато откако на изминатите шест трки забележа исто толку пол позиции и победи. Зад него е Валентино Роси, а потоа следуваат Дани Педроса и Хорхе Лоренцо.
Квалификациите во сабота се со почеток во 14.35 часот, а трката во недела се вози во 14.00. Пренос од возбудувањата има на СпортКлуб каналот, а може да се следи и преку стриминг на http://www.sportcategory.com/c-10.html
Коментари