Домашни

За мотор на паркинг 15 денари од час

motori parking-motoriОпштина Центар од септември ќе почне да наплаќа за паркирање веспи, а дотогаш ќе важи тест-период.

Следете нè на:

 

parking-motoriОпштина Центар од септември ќе почне да наплаќа за паркирање веспи, а дотогаш ќе важи тест-период.

Граѓаните уште од сега реагираат на најавената наплата за паркирање мотор на паркинзите на Општина Центар, иако таа ќе стартува во септември. Велат, збунети се како тоа општинското претпријатие за паркирање на исто ниво ги става автомобилите и моторчињата. 

„Ајде што секој слободен јавен простор го претворија во паркиралишта за кои наплаќаат, сега уште одлучиле да земаат пари и за веспи. Навистина не разбирам зошто, зар и за велосипеди ќе почнат да ни наплаќаат? Згора на се', не ни нудат гаранција и безбедност на возилата од кражби и слично“, коментира еден жител на Капиштец, кој во маалото забележал табла на која е наведено дека паркирање мопед чини 15 денари од час. 

Но, не само на паркиралиштата во Капиштец, туку на сите оние со кои стопанисува „Паркинзи на Општина Центар“ ќе се наплаќа за паркирање и на мопеди. Наплатата ќе стартува од септември. Од „Паркинзи“ не се вознемирени, ниту, пак, изненадени од реакциите на граѓаните. Велат дека не измислиле топла вода, посочувајќи дека наплатата за паркирање мопеди е практика во целиот свет. 

„Очекувавме реакции од граѓаните, бидејќи до скоро прашањето за регулирање на паркирањето не се решаваше соодветно. Веспи се паркираа на секој чекор, без притоа сопственикот да внимава дали го попречува движењето на тротоар или е непрописно паркиран на коловоз. Нормално е да ги третираме мопедите како и автомобилите, бидејќи и тие се рамноправни учесници во сообраќајот и ја загадуваат околината. А, и насекаде во светот се наплаќа за нивно паркирање“, ја правда одлуката за наплата за паркирање веспи на паркинзите, Маргарита Бакев, в.д. директор на „Паркинзи на Општина Центар“. 

Таа објаснува дека таблите кои веќе се поставени на некои паркиралишта, а на кои е наведена цената за паркирање за веспа, всушност, се дел од таканаречениот тест-период за едукација и предупредување на граѓаните. 

„Во овој период ќе ги информираме граѓаните дека и веспите и, воопшто, сите мопеди треба да се паркираат на соодветно место, односно на паркинг- простор. Во спротивно за сопственикот ќе следува казна, наречена дневна карта“, додава Бакев. 

Во Центар, на паркинзите со кои стопанисува општинското претпријатие, ќе има околу стотина обележани места за паркирање мопеди. Бројот на паркинг- места на конкретен паркинг ќе зависи од капацитетот и локацијата на паркиралиштето. 

И додека од „Паркинзи на Општина Центар“ се подготвуваат да почнат со наплатата за паркирање и за моторчиња, од ЈП „Градски паркинг“ велат дека засега тоа нема да стане практика на нивните паркинзи. 

„Сметаме дека сега немаме можности за такво нешто, бидејќи за паркирани мопеди треба да се обезбеди поголема гаранција од кражби и слично, оти станува збор за многу поспецифично возило од обична кола. Мопед лесно може да биде на удар на крадци, а за да се имплементира некој безбедносен систем, или, пак, чуварска служба, ни требаат дополнителни средства за инвестирање, а нашето претпријатие сега нема таква можност“, вели Борче Јакимовски, директор на „Градски паркинг“.

Извор: „Утрински

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.