Домашни

Во недела возиме: „Да видите колку не има“

Во недела со почеток од 10 часот на плоштадот „Македонија“ во Скопје ќе биде одбележана неделата за безбедност на мотоциклистите во организација на Републичкиот совет за безбедност на сообраќајот на патиштата и Мотоциклистичката Федерација на Македонија.

Следете нè на:

 

makedonija-motordziiАкцијата „Да видите колку не има“ ќе биде одбележана со дефиле по скопските улици

РСБСП и МФМ ја одбележуваат Неделата за безбедност на мотоциклистите со дефиле низ скопските улици

Во недела со почеток од 10 часот на плоштадот „Македонија“ во Скопје ќе биде одбележана неделата за безбедност на мотоциклистите во организација на Републичкиот совет за безбедност на сообраќајот на патиштата и Мотоциклистичката Федерација на Македонија.

Мотоциклистите претставуваат секојдневен составен дел од сообраќајот на патиштата во Република Македонија. Истовремено тие претставуваат една од најранливите групи учесници во сообраќајот. Индикаторите за безбедноста на мотоциклистите во сообраќајот на патиштата укажуваат на потребата за една широка и сеопфатна акција за подобрување на нивната безбедност во сообраќајот.

РСБСП во рамките на своите надлежности, а во согласност со програмата за работа во 2014 година ја прогласи неделата од 16 - 22 јуни како „Недела за безбедноста на мотоциклистите“.

Целта на акцијата е подобрување на условите и можностите за рамноправно учество на мотоциклистите во сообраќајот, подобрување на безбедноста и подигање на јавната свест кај сите учесници во сообраќајот за почитување на мотоциклистите како ранлива група во сообраќајот.

За таа цел РСБСП во соработка со МФМ на ниво на целата земја ќе реализира повеќе активности во однос на заштита на мотоциклистите во сообраќајот. Акцијата веќе е најавена во неколку градови низ земјава, а во недела возењето ќе биде реализирано и во Скопје.

Во недела на плоштадот Македонија со почеток од 10 часот обраќање ќе има Министерката за внатрешни работи на РМ, Гордана Јанкуловска по што ќе започне дефилето низ скопските улици под мотото „Да видите колку не има“. МФМ во соработка со повеќе скопски мото клубови е организатор на настанот на кој се поканети сите љубители на моторите.

Поканата е отворена за сите членови на мото клубови како и слободни возачи, да дојдеме во што поголем број и со совесно возење и соодветна опрема да и покажеме на јавноста дека сме дел од сообраќајот и дека заслужуваме кон нас да се однесуваат како рамноправни учесници.

Колоната ќе биде обезбедена од припадници на МВР кои со мотоцикли ќе ја предводат групата, а за редот низ скопските улици ќе се грижат редарите кои ќе имаат задача и евентуално да ги исклучат од групата мотоциклисти кои нема да се придржуваат на пропишаната сигнализација и оние кои нема да носат заштитна опрема.

 

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.