Домашни

Извештај: Cross Bearers - Moto Beach Party 2012

motori moto-beach-party-2012-41Третата по ред Moto Beach Party во организација на мото клубот Носачи на крстот од Велес во саботата се одржа на брегот на езерото Младост крај Велес.

Следете нè на:

 

moto-beach-party-2012-41

Третата по ред Moto Beach Party во организација на мото клубот Носачи на крстот од Велес во саботата се одржа на брегот на езерото Младост крај Велес. Масовноста на забавата која беше карактеристична на претходните две средби се повтори и годинава иако бројот на учесници не беше зголемен како што се очекуваше. Околу шестотини вљубеници во двете тркала се појавија на стартот на дефилето низ Велес, со кое требаше да се промовира мотото под кое секоја година се одржува овој собир: „Носи кацига - биди безбеден “.

Организаторот стори се што беше во негова моќ да го испромовира настанот, да го потенцира слоганот и сетоа тоа да вроди со плод, но како што можете да видите од сликите, слоганот остана само на хартија. Како и минатата година, на учесниците им беше по важно да бидат видени, отколку да го промовираат безбедното возење, па така 70 проценти од возачите беа без кацига. За среќа се случија само три инциденти без посериозни повреди, па повторно ќе споменеме, за среќа, учесниците немаа прилика на своја кожа да искусат колку е важно мотото на собирот.

Како и изминатите години, бројката на мотори која заминува на дефилето драстично е намалена при враќањето во кампот. Најголем број од учесниците остануваат во Велес, други си заминуваат веднаш отакако ќе бидат фотографирани, а има и такви кои воопшто не го ни возат дефилето. Нивната реакција е сосема оправдана ако се има во предвид дека можат ни криви ни должни да бидат удрени од зади (како што беше случајот со еден наш познаник) од „моторџии“ кои сметаат дека дефилето за безбедно возење  е вистинското место да се покажат.

moto-beach-party-2012-128„Носи кацига - биди безбеден“

Освен од Македонија, на забавата беа забележани гости од Бугарија, Грција, Србија па дури и еден моторџија од Австралија. Она што е за поздрав и што ја става оваа забава во групата на хумани мото настани, е тоа што 100-те денари за влезница се средства кои се донираат на луѓе на кои им е потребна помош.

На плажата пред хотелот Романтик следевме рок концерт на кој настапуваат  „Crossroad blues band “ и „Day Off“, професионален ди-џеј и неколку велешки групи кои за жал немаа вистинска публика. Дечките од МК Носачи на крстот се потрудија максимално околу техничката организација, бината и озвучувањето беше на висина на задачата, но заборавија на нешто што го сугерираме од првата забава. Кај нас колку повеќе простор ќе им оставиш на луѓето, толку повеќе ќе го искористат, па така од 400 моторџии кои беа присутни на забавата просторот пред бината постојано беше празен и се чинеше дека сме присутни на една од најслабо посетените мото забави. Секоја чест на исклучоците кои можеме на прсти да ги изброиме, оние кои го ценеа трудот на организаторот и кои беа дојдени да се забавуваат. Останатите се однесуваа како со пријателите да тргнале во кафана. Повеќе мото клубови на различни маси, секој си тера свој муабет...ресторанска мото журка. Како сите да беа дента договорени да одат во некој ресторан и се погоди сите да бидат во Романтик. Моторџии на секоја маса, а од мото забава имаше само мирис на скара и музиката од далечина.

Кликни овде за слики од Moto Beach Party 2012

На МК „Носачи на крстот“ им честитаме за трета забава, а на учесниците им порачуваме дека треба сите ние, заедно да се потрудиме да направиме нешто за оваа наша македонска мото сцена. За „Moto Beach Party“ да прерасне во квалитетна традиционална мото журка потребно е повеќе од седење и пиење во кафана.

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.