Занимливости

Марфиеви закони за моторџии

Ако нешто може да тргне наопаку, сигурно ќе тргне. Ова е само еден од многуте Марфиеви закони, во чија листа има и десетина кои се однесуваат на моторџиите.

Следете нè на:

 

marfievi zakoniЛиста на моторџиски Марфиеви закони

Ако нешто може да тргне наопаку, сигурно ќе тргне. Ова е само еден од многуте Марфиеви закони, во чија листа има и десетина кои се однесуваат на моторџиите.

Во продолжение составивме листа на Марфиеви закони за кои секој се надева дека нема да му се случат, но некако сите знаеме дека кога тогаш Марфиевите закони ќе не најдат.

  1. Шансата да ви падне кацигата на бетонот е директно поврзана со тоа колку е нова и колку пари сте издвоиле за неа.

  2. Факт е дека ниеден мотор не паѓа без публика. Шансите дека ќе паднете со моторот се пропорционални со бројот на гледачи во вашето его. Ако моторот е нов и скап, шансите се зголемуваат.

  3. Кога ќе снемате бензин надвор од градот без разлика во кој правец возите бензиската станица секојпат е на угорница и во спротивен правец.

  4. Почнува да врне, а вие застанувате под првиот мост. Чекате извесно време да помине дождот и се сушите во меѓувреме. Со првото сонце го палите моторот и продолжувате, а по само 5км дождот е повторно над вас.

  5. Кога е облачно, а вие сте на мотор заврнува секојпат кога нема да го земете оделото за дожд.

  6. Секој мотор најтешко пали кога пред него стои потенцијален купец, иако само 5 минути претходно запалил како од шала.

  7. Акумулаторот на секој мотор цркнува заедно со уште некое делче. Следните две недели ги поминувате во размислување како овие две работи се поврзани. Не се.

  8. Фактот дека клучот од моторот ви е во џебот станува очигледен во моментот кога ќе ги ставите ракавиците на рацете.

  9. Гумата ќе ви си дупне само тогаш кога ќе го оставите комплетот за поправка во гаражата.

  10. Делот кој ти треба за моторот никогаш го нема на лагер. Периодот на чекање зависи од тоа колку ти треба, доколку е нешто итно ќе му требаат 2-3 недели да пристигне.

  11. Возењето низ град со цела опрема во лето значи и фаќање на секој семафор на црвено.

  12. Твоето прво успешно возење на едно тркало ќе се случи кога некој полицаец ќе стои од страна.

  13. Најлошиот ден во возење сепак е подобар од најдобриот ден на работа.

  14. Универзалниот кит за поправка е именуван така бидејќи со него не можеш да поправиш ниеден мотор во универзумот.

  15. Моторот никогаш нема да запали додека прекинувачот е на „Off“. Го забораваш само кога луѓе гледаат во тебе.

Доколку ви се случило нешто од погоре наведеното, слатко се смеете на случката, останатите, внимавајте, вие сте на ред :)

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.