Легендарниот Џон Мекгинис доживеа пад за време на трката во Superstock класата на патеката Oulton Park во рамките на британскиот шампионат (BSB), што за него претставува прв инцидент од ваков тип по цели шест години.
Иако 23-кратниот победник на Isle of Man TT веќе не се натпреварува за врвот на подиумот како во своите најдобри денови, неговата кариера останува една од најдолгите во историјата на мотоциклизмот, а овој пад е редок момент во неговата долгогодишна професионална кариера.
Невообичаен инцидент за ветеранот
Мекгинис, кој настапува за тимот Honda Racing UK, се натпреваруваше во Superstock класата на Oulton Park минатиот викенд. Во втората трка, додека се наоѓаше на 15-тата позиција, тој излета од патеката во свиокот Knickerbrook. Иако глетката на легендарниот возач во песокот беше невообичаена, Мекгинис помина без повреди, а и мотоциклот не претрпе сериозни оштетувања.
Џон Мекгинис, 2026 Oulton Park BSB, Superstock
Задоволство од темпото и покрај падот
И покрај разочарувачкиот крај на трката, Мекгинис истакна дека целиот викенд поминал во позитивна атмосфера и со одлично темпо. Тој успеа да го постави своето најбрзо време на оваа патека, што дополнително ја потврдува неговата конкурентност и покрај годините поминати на патеката.
Џон Мекгинис, 2026 Oulton Park BSB, Superstock
Тоа е првпат да паднам со мотор по околу шест години. Колку и да е разочарувачки, викендот и трката одеа добро сè до тој момент. Го поставив мојот најбрз круг на Oulton Park и уживав во возењето. Зелените сектори пред падот покажаа дека возев со добро темпо. Јас сум добро, а и моторот е во ред, ќе се средиме и ќе продолжиме понатаму. Благодарен сум на Honda Racing UK што ми овозможија да возам и на мојата екипа за одличната работа во текот на целиот викенд.Џон Мекгинис, возач на Honda Racing UK
Кариерата на Џон Мекгинис во мотоциклистичките трки е меѓу најдолгите што некогаш сме ги виделе, толку долгa што времето поминато од последнате незгода до сега е подолго од врвовите на кариерите на некои возачи.
За некои возачи, натпреварувањето на врвот на нивниот шампионат може да трае речиси целата нивна кариера. Земете го Марк Маркез, на пример, чија прва светска титула дојде во 2010 година и кој сè уште се бори за круна во Мото ГП во 2026 година, 18 години по неговото деби во светскиот шампионат.
Од друга страна, возач како Кејси Стонер имаше врв на кариерата кој беше многу пократок, со прва светска титула во 2007 година, втора во 2011 година, пред да се пензионира на крајот на 2012 година.
Кариерата на Џон Мекгинис сигурно спаѓа во првата категорија, и покрај тоа што во 2026 година победничките денови се далеку зад 23 кратниот освојувач на Isle of Man TT.
Коментари