Марк Маркез, кој моментално се натпреварува во својата 14-та сезона во кралската класа, отворено проговори за најголемите ривали во својата кариера, значењето на рекордите и иднината на MotoGP. Возачот на Ducati Lenovo тимот, кој има освоено 73 победи во MotoGP и вкупно 101 триумф во сите класи, истакна дека денес на трките гледа поинаку отколку во минатото.
Шпанецот, кој има договор со Ducati до 2028 година, моментално се бори за одбрана на титулата, иако немаше најдобар старт на сезоната. Маркез признава дека по тешките повреди и операции во периодот од 2020 до 2023 година, самиот факт што сè уште е конкурентен на врвно ниво го смета за подарок. Тој нагласи дека е чест да го гледа своето име покрај Агостини и Роси во рангирањата, поради што бркањето на апсолутни рекорди веќе не му е примарен двигател.
Марк Маркез
Ривалите низ очите на Маркез
Кога станува збор за најсилните противници, Маркез прави јасна разлика меѓу почетокот на својата кариера и историската статистика. Според него, кога влегол во MotoGP, Хорхе Хорхе Лоренцо бил најсилниот противник бидејќи во тој момент бил најдобар на патеката. Сепак, гледајќи ја целокупната слика и бројките, тој му дава предност на Валентино Роси.
Рекордите веќе не се приоритет
Маркез е блиску до рекордите на Роси, кој држи 76 победи во кралската класа, и Џакомо Агостини, кој има вкупно 122 победи во кариерата. Сепак, Шпанецот нагласува дека неговиот поглед кон овие достигнувања е променет:
„Дали ќе имам една титула повеќе или помалку, тоа веќе нема да ми го промени животот.“Марк Маркез, возач на Ducati Lenovo
Тој додава дека пресвртницата се случила минатата година во Мотеги, кога ја обезбедил својата титула, докажувајќи си себеси дека сè уште може да победува по тешкиот период по несреќата во Херез во 2020 година.
Иднината на MotoGP
Во однос на новата генерација, Маркез не верува дека иднината на спортот зависи само од еден возач. Како свои потенцијални наследници ги посочи Педро Акоста, Фермин Алдегер, Давид Алонсо и Максимо Килес. За Алдегер вели дека во моментов вози со резерва и сè уште не го покажал целиот свој потенцијал. Давид Алонсо од следната сезона се сели во МотоГП, додека Максимо Килес се смета за еден од најголемите шпански таленти во Moto3. За својот иден тимски колега, Педро Акоста, Маркез вели дека не очекува период на поштеда и дека очекува тој да биде предизвик на патеката:
Тој истакна дека би било сосема природно доколку Акоста го победи, бидејќи тоа е нормален тек на спортот, а за конкретната соработка во тимот планира да разговара во текот на зимата.
Коментари