MotoGP

Yamaha соработува со Tech 3 за да го задржи Кал Кратчлоу

Со освоени три подиуми и една пол позиција оваа година, реномето на Кал Кратчлоу се повеќе се подобрува.

Следете нè на:

 

CalCrutchlowMotoGpFranceQualifyingRlP0NOAbmy0xКрачлоу иако нема подршка од фабрички тим, во генералниот пласман се наоѓа на четвртата позиција

Со освоени три подиуми и една пол позиција оваа година, реномето на Кал Кратчлоу се повеќе се подобрува.

Бидејќи тој е единствениот од топ 5 мотоциклистите на кого му завршува договорот оваа сезона, има многу шпекулации за тоа каде талентираниот англичанец би можел да ја продолжи кариерата.

Три тимови изразија интерес за Кратчлоу, а Дукати и Јамаха се сметаа за фаворити. Кратчлоу јасно стави до знаење дека сака да остане во Јамаха, или во фабричкиот тим или во Тек 3 но да има подршка од фабриката исто како што има и Штефан Брадл во тимот на ЛЦР Хонда.

За Јамаха, ситуацијата е посложена. Тие веќе во тимот ги имаат актуелниот светски шампион Хорхе Лоренцо и поранешниот шампион Валентино Роси. Исто така имаат и договор со Бредли Смит.

Во фабриката се соочуваат со дилема. Дали да го задржат Кал Кратчлоу уште една сезона во сателитскиот тим или да го ангажираат талентираниот Пол Еспаргаро, со надеж дека тој ќе му биде конкуренција на Марк Маркез во следните сезони.

За да дознаеме каква е состојбата, разговаравме со управниот директор на Јамаха, Лин Џарвис.

„Соработуваме со Тек 3 за да најдеме начин да го задржиме Кратчлоу,” изјави Џарвис. „Ние ги знаеме неговите вештини и потенцијал.“

Сепак Џарвис не беше сигурен дека обидите на Јамаха ќе бидат доволни. „Тешко е да се каже дали ќе успееме да му ги понудиме истите услови како и останатите тимови.“

Прашан дали Јамаха се плаши од можноста да го загуби Кал Кратчлоу, Џарвис изјави: „Никогаш не се плашиме од такви работи.“

Џарвис одби да одговори на прашањето дали Јамаха веќе потпишала договор со Пол Еспаргаро.

Сега на потег е Кал Кратчлоу. Јамаха веројатно нема да може да ја изедначи понудата на останатите фабрики, а Кратчлоу наскоро ќе треба да донесе одлука околу неговата иднина.

Да потсетиме, во генералниот пласман Крачлоу се наоѓа на четвртата позиција, зад Педроса, Лоренцо и Маркез, а пред Валентино Роси. 

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.