MotoGP

Валентино Роси: Среќа ништо не е скршено

„Мислам дека мојата мотокрос кариера е завршена! Се чувствувам среќен бидејќи после таков пад многу лесно можеше да дојде до некоја скршеница“ - Валентино Роси

Следете нè на:

 

Валентино Роси се чувствува среќен и полн со оптимизам во пресрет на домашната трка која ќе се оддржи овој викенд во Муџело откако доживеа сериозен инцидент додека тренираше со мотокрос мотоцикл.

Италијанецот се здоби со повреди на стомакот и  градите и мораше да помине една вечер во болница. Возачот на Movistar Yamaha доби одобрение за настап но се уште не знае какви последици ќе има од повредата.

rosi bolki motokros

„Бев во Кавалара која е една од моите омилени патеки,“ изјави Роси. „За жал при доскокот излетав еден метар надвор од патеката каде подлогата беше многу мека. Мотоциклот наеднаш запре и јас излетав преку него.“

„Тоа беше лош пад. Болеше многу. Особено стомакот и предниот дел од телото. Останав една вечер во болница бидејќи имав тешкотии при дишењето. Но и откако се вратив дома се уште имав болки. Од пред два дена ситуацијата почна да се подобрува. Сега ќе мораме да почекаме и да видиме како ќе се чуствувам кога ќе се качам на мотоциклот.“

„Вчера се качив на Tmax и на R6. Не чувствував болка и поради тоа постои оптимизам. Но мислам дека две работи ќе бидат проблематични: Моето движење на седиштето кога менувам правец и кога земам повеќе воздух. Тоа се уште ми претставува проблем.“

„Се уште не сум 100 проценти подготвен но сепак е рано. Ни треба уште тренинг за да имаме добра трка во недела.“

Роси вели дека поради стравот кој го претрпел можеби дошол крајот на неговата мотокрос кариера.

„Отсекогаш сум возел мотокрос мотоцикли бидејќи ми се допаѓаат. Уживам во нив и мислам дека тие се најдобриот тренинг, како физички така и ментално. Но мислам дека после овој пад мојата мотокрос кариера е завршена!“

„Искрено се чувствувам среќен бидејќи после таква несреќа многу лесно можеше да дојде до некоја скршеница и да останам дома за двете најважни трки од сезоната. Утре ќе го почнам денот најнормално и ќе видам дали имам болка и дали ќе треба да извозам помалку кругови за да ја зачувам енергијата за трката во недела.“

Роси викендот ќе го започне од третата позиција во генералниот пласман. „Докторот“ кој имаше проблеми со моторот на трката во Муџело минатата сезона има заостанување од 23 поени зад тимскиот колега Маверик Вињалес и шест поени зад Дани Педроса.

Но едно нешто на кое може да биде сигурен е поддршката која ќе ја добие од домашните фанови. „Во Муџело атмосферата е секогаш специјална, како за мене така и за сите Италијански возачи. Фановите тука се многу блиску до патеката.“

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.