MotoGP

Поншарал со нетрпение го чека враќањето на трките во Европа

Шефот на Monster Yamaha Tech 3, Ерв Поншарал вели дека со нетрпение го чека враќањето на трките во Европа. 

Следете нè на:

 

После три трки од почетокот на сезоната и добрите резултати кои ги постигна тимот, Поншарал вели дека екипата е подготвена за следниот предизвик.

„Имавме неколку дена за да се одмориме откако се вративме од САД. Исто така ја организиравме и целата логистика за Европските трки кои се сосема различни од останатите. Тоа ја држеше целата екипа зафатена но сега веќе половина од тимот е на пат за Андалузија.“

712987

„Сите кои се дел од Monster Yamaha Tech 3 со нетрпение чекаат да стигнат таму за да се видат со пријателите кои последен пат ги видоа за време на трката во Валенсија минатата година бидејќи не сите кои се дел од тимот патуваат со нас.“

„Херез е секогаш посебно место пред се поради локацијата, која е навистина неверојатна, како и поради фановите кои навистина го сакаат натпреварувањето. Во моментов сме на добра позиција бидејќи Јохан и Кал имаат исто бодови, а со Хафиз сме лидери и кај дебитантите.“

А со оглед на пласманот кој го имаше Јохан Зарко на оваа патека како и постојаниот напредок на Хафиз Сиахрин, французинот вели дека се надева дека тимот ќе продолжи да остварува добри резултати.

„Имаме одлични спомени од настапот на Јохан тука минатата година. Тој имаше неверојатна трка, неколку круга беше во водство и се бореше со Марк Маркез. Да се надеваме дека ќе можеме да ги повториме истите перформанси и оваа година. Јохан има огромна мотивација да продолжи да вози во ист стил како и претходните трки.“

„Во однос на Хафиз, би го кажал истото. Навистина беше разочаран што не успеа да стигне до поени на трката во Остин. Но можевме да видиме за време на квалификациите, а и пред да падне дека е многу брз. Сигурен сум дека ќе сака и на оваа трка повторно да биде брз и да се бори со останатите дебитанти. Шпанија е посебна трка за него бидејќи тука се наоѓа неговата база. Тука има многу фанови и на некој начин ова е негова втора домашна Гран При трка.“

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.