MotoGP

Победа за Стонер на Есторил за прво место во шампионатот

thumb_stoner-pobedaЕсторил беше единствената патека на која Стонер немаше победа, актуелниот Светски првак денеска го промени тоа, и заслужено дојде до првата позиција во генералниот пласман.

Следете нè на:

 

stoner-pobeda

На самиот старт Дани Педроза изби на првата позиција следен од Кејси Стонер, Хорхе Лоренцо и Бен Спиз, но веќе во вториот свиок ја загуби водечката позиција притоа пред него излегоа Кејси Стонер и Хорхе Лоренцо.

На крајот од првиот круг Стонер веќе започна да прави мала предност, а зад него во линија возеа Лоренцо, Педроза, Спиз, Крачлоу, Довициозо, Роси. Грешката на Спиз во која за среќа успеа да се врати на патеката допринесе тој да падне подолу за неколку позиции. Притоа следевме интересна борба и помеѓу Баутиста, Спиз, Роси и Штефан Брадл кои се наоѓаа од 6-9 позиција.

Во следните неколку кругови на чело од колоната немаше никакви изненадувања, Кејси Стонер напред, следен од Хорхе Лоренцо и Дани Педроза, малку зад нив возеа Андреа Довициозо и Кал Крачлоу, а во третиот дел ги следевме Баутиста, Спиз , Брадл и Хектор Барбера.

На 20 кругови до крајот Стонер го намали темпото и малата разлика која ја имаше пред Лоренцо и Педроза се стопи. Зад нив сеуште следевме борба помеѓу клубските колеги од Јамаха Теч3 тимот, а Баутиста безбедно возеше на 6-та позиција две секунди пред Роси.

Иван Силва заради проблеми со моторот влезе во боксот и ја заврши трката на 18 круга до крајот, а во истиот круг и Матија Пасини доживеа пад кој значеше крај на трката и за него. Во меѓувреме Штефан Брадл и Бен Спиз се бореа за 8-та позиција, менувајќи си ги местата неколкупати.

На 11 круга до крајот Џони Хернандез доживеа пад и ја заврши трката за ГН на Португалија. ЦРТ моторот на Елисон исто така не ја издржа трката па два круга подоцна и тој заврши во пит стопот. На само 5 круга до крајот Карел Абрахам доживеа хајсајд кој за среќа помина без проблеми за него, а со помош на стјуардите успеа повторно да го запали моторот и да се врати на патеката како последен. Сепак неговиот мотор беше оштетен па до крајот на трката се паркираше во пит стопот.

Во следниот круг Кал Крачлоу се обиде да го помине Довициозо и притоа излезе надвор од патеката но за среќа зоната за излетување во тој дел од патеката беше поголема па тој остана на асвалтот.

Последните два круга ги одбележа единствено поминувањето на Бен Спиз кој успеа да ја преземе 8-та позиција, останатото беше веќе познато, победа за Кејси Стонер. Есторил беше единствената патека на која Стонер немаше победа, актуелниот Светски првак денеска го промени тоа, и заслужено дојде до првата позиција во генералниот пласман.

Поз.Бод.Бр.ВозачТимКм/чВреме
1 25 1 Casey STONER Repsol Honda Team 154.0 45'37.513
2 20 99 Jorge LORENZO Yamaha Factory Racing 153.9 +1.421
3 16 26 Dani PEDROSA Repsol Honda Team 153.8 +3.621
4 13 4 Andrea DOVIZIOSO Monster Yamaha Tech 3 153.2 +13.846
5 11 35 Cal CRUTCHLOW Monster Yamaha Tech 3 153.1 +16.690
6 10 19 Alvaro BAUTISTA San Carlo Honda Gresini 152.8 +21.884
7 9 46 Valentino ROSSI Ducati Team 152.5 +26.797
8 8 11 Ben SPIES Yamaha Factory Racing 152.1 +33.262
9 7 6 Stefan BRADL LCR Honda MotoGP 152.0 +35.867
10 6 8 Hector BARBERA Pramac Racing Team 151.0 +53.363
11 5 69 Nicky HAYDEN Ducati Team 150.5 +1'02.630
12 4 41 Aleix ESPARGARO Power Electronics Aspar 149.6 +1'20.736
13 3 14 Randy DE PUNIET Power Electronics Aspar 149.4 +1'23.483
14 2 51 Michele PIRRO San Carlo Honda Gresini 148.7 +1'37.905
15 1 9 Danilo PETRUCCI Came IodaRacing Project 147.2 1 круг
Без пласман
17 Karel ABRAHAM Cardion AB Motoracing 144.7 5 круга
77 James ELLISON Paul Bird Motorsport 146.4 10 круга
68 Yonny HERNANDEZ Avintia Blusens 148.7 12 круга
54 Mattia PASINI Speed Master 148.8 17 круга
22 Ivan SILVA Avintia Blusens 144.0 17 круга

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.