MotoGP

Петручи: Шанса да останам во Ducati ако бидам подобар од Лоренцо или Довициозо

„Ако сум побрз од некој од фабричките возачи тогаш имам шанса“ – Данило Петручи

Следете нè на:

 

Данило Петручи е свесен дека ќе го напушти Pramac по завршувањето на сезоната 2018 но тоа не значи и дека ќе си замине од Ducati. Италијанецот има опција да му се приклучи на фабричкиот тим но само доколку тие сакаат.

За жал на Петручи, Ducati ги преферира возачите кои ги има моментално, односно Андреа Довициозо и Хорхе Лоренцо. Но, како што вели Петручи, доколку на почетокот на сезоната тој покаже подобри резултати од нив, тогаш работите можат да се променат.

IMGP8621Данило Петручи

„Прво, среќен сум поради Пеко,“ изјави Петручи во однос на неговиот сонародник Франческо Бањаиа кој ќе го наследи во Pramac. „Но сепак не можам да кажам дека дефинитивно нема да настапувам за Ducati. 90 проценти е така, но оваа сезона тимот ми дава голема поддршка за да преминам во фабричката екипа.“

„Имавме првични разговори со Ducati, но одлучивме да почекаме и да видиме како ќе се одвиваат работите во текот на сезоната. Они имаат двајца добри возачи, но ако сум побрз од еден од нив тогаш се може да се случи.“

Како дополнителна помош за тоа ќе му дојде и новиот мотоцикл со кој Ducati настапи минатата сезона и кој има експериментален мотор, а со кој минатата година имаа проблеми на неколку трки.

„Оваа сезона е различна“, изјави Петручи. „Мојот мотоцикл е многу сличен со фабричкиот и затоа имам добри шанси да победам некој од фабричките возачи и да преминам во тимот.“

„Минатата сезона имав различен мотор. Не беше целосно различен но сепак имаше промени. Оваа сезона мотоциклите се исти. Помагам за време на тестовите. Тоа од една страна им помага на фабричките возачи но и јас имам корист од тоа. “

Една од причините за сличноста меѓу мотоциклите е тоа што Desmosedici, кој победи на шест трки минатата сезона, сега е порафиниран.

„Новиот мотоцикл има поголема моќност и во моментов тоа е доволно. Мојата ситуација минатата година беше навистина ризична. Многу пати морав да се повлечам од трката.“

„Оваа сезона ги поминавме сите тестови без никакви проблеми.“

Во пресрет на трката која ќе се оддржи викендов, Петручи е единствениот возач кој успеа да ги извози сите 22 круга за време на последниот ден од претсезонскиот тест кој се оддржа во Катар. На крајот, Италијанецот заостануваше само една секунда од неговото најдобро време.

„Задоволен сум од она што го постигнав. Имав добар настап со меките пневматици и тоа е навистина позитивно. А исто така направивме и неколку промени на мотоциклот.“

Неговиот тимски колега Џек Милер, кој настапи со моделот од 2017 година, на крајот се најде на единаесетото место.

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.