MotoGP

Ники Хејдн ќе го замени Дани Педроса на Филип Ајленд

„Само што ќе помислам ми се будат емоции“- После осум години, Ники Хејдн се враќа во тимот на Repsol Honda и ќе биде замена за повредениот Дани Педроса

Следете нè на:

 

Поранешниот светски шампион во MotoGP, Ники Хејден, ќе го замени повредениот Дани Педроса во тимот на Repslo Honda на трката која ќе се оддржи на Филип Ајленд.

Педроса се опоравува откако се здоби со скршеница на клучната коска. Тој излета на тренингот кој се оддржа пред Јапонската Гран При трка.

Возачот на Honda World Superbike, кој исто така беше замена и за Џек Милер на трката во Арагон, вели дека е воодушевен што повторно има можност да се врати во својот стар тим.

394567

Хејдн ја започна својата кариера во Repsol Honda во 2003 година. Тој постигна три победи, 25 пати успеа да се искачи на подиумот а во 2006 година успеа да ја освои светската титула. Тој исто така е и специјалист за трката која се оддржува на Филип Ајленд. Досега на оваа патека има освоено три места на подиумот, две пол позиции и еден најбрз круг.

„Најпрво, му посакувам на Дани побрзо да оздрави. Сигурен сум дека ќе се врати посилен. За мене ова ќе биде неверојатно тешка работа, но ова е можност, десет години откако ја освоив титулата, повторно да се вратам во мојот стар тим.“

„Да возам на Филип Ајленд со фабрички мотоцикл на Honda е неверојатно емоционално за мене и благодарен сум за можноста и довербата која Honda ми ја пружа.“

„Исто така сакам да му се заблагодарам и на мојот тим што ми дозволи да го направам ова а исто така благодарен сум и на спонзорите.“

„Сите работеа напорно за да ми го овозможат ова и се надевам дека ќе завршам добра работа за тимот,“додаде Хејдн.

„Во однос на Филип Ајленд, секогаш треба да се има на ум две работи. Времето и пневматиците. Оваа патека навистина ми се допаѓа и со нетрпение чекам да почне трката.“

Тест возачот на HRC и поранешен шампион во класата од 250cc, Хироши Аојама, го замени Педроса на трката во Мотеги. Тој заврши на петнаесетото место на трката.

Во меѓувреме, Педроса излезе од болницата каде што му беше направена операција. Во среда, тој ќе треба да се јави на контрола.

„Неколку дена по операцијата чувствував голема болка, но работите малку по малку се подобруваат,“ изјави Педроса. „Излегов од болница и во среда треба да се јавам на контрола. Дури после тоа ќе знам колку време ќе ми треба за да се опоравам и кога ќе можам да се вратам на трките. Исто така сакам да им честитам на Марк и на Honda за освоената титула.“

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.