MotoGP

MotoGP: Ианоне има проблеми со GSX-RR

„Имав добар ритам и бев многу блиску до врвот. Но потоа се појавија проблемите. Мотоциклот го промени начинот на кој се однесува и не можев да бидам онолку ефективен колку што посакував. Мораме да научиме како да бидеме подобри на вакви услови“ - Ианоне

Следете нè на:

 

Андреа Ианоне си замина од Асен разочаран од настапот кој го имаше на фабричкиот мотоцикл на Suzuki. Иако во 2016 година тимот постојано имаше поплаки од Маверик Вињалес и од Алеш Еспаргаро, се веруваше дека ги подобрија перформансите на мотоциклот за време на дожд. Но трката во Асен ни потврди дека ги чека уште работа.

iannone asen

„Првиот дел од трката беше многу позитивен. Успеав да се пробијам од шеснаесетото место, што не беше воопшто лесно, и да се најдам меѓу првите десет возачи. Имав добар ритам и бев многу блиску до врвот. Но потоа се појавија проблемите. Мотоциклот го промени начинот на кој се однесува и не можев да бидам онолку ефективен колку што посакував. Мораме да научиме како да бидеме подобри на вакви услови.“

Сепак неговиот тимски колега, Алекс Ринс, беше многу позадоволен од својот прв настап после долгата пауза. Во текот на трката Ринс се соочи со неколку проблеми и на крајот заврши на седумнаесетата позиција. Сепак, и покрај тоа, Ринс смета дека имало многу позитивни работи изминатиот викенд.

„Среќен сум поради трката. Позитивно е тоа што искусив неколку различни временски услови. Стартот не беше многу добар и се мачев да го пронајдам вистинското темпо но потоа ми се зголеми самодовербата и успеав да претекнам неколку возачи.“

„Кога почна да врне, ризикував и го променив мотоциклот бидејќи мислев дека дождот ќе се засили. Но тоа не се случи. Можеби загубив на време но се стекнав со драгоцено искуство. Жалам за последниот круг. Не го забележав синото знаме, а позицијата на која се наоѓав му претставуваше проблем на Петручи. Затоа и му се извинив.“

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.