Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Извршниот директор на тимот вели дека се свесни за можноста која им е пружена.

„Ми претставува големо задоволство да објавам дека следната сезона ќе возиме со Ducati. Ние сме како семејство и целосно сме интегрирани во нивниот MotoGP проект. Имавме и други опции за следната сезона, но довербата која ни дадоа Паоло Чиабати и Џиџи Далиња во текот на сите овие години ни помогна полесно да ја донесеме одлуката.“

„Чувствуваме дека имаме голема доверба од фабриката и гаранцијата дека следната сезона ќе настапиме со мотоциклот со кој тие настапуваат оваа сезона е навистина важно за нас. Сега ќе ни биде полесно да најдеме нови спонзори и да продолжиме да се развиваме.“

Задоволството од договорот го потврди и Паоло Чиабати, спортскиот директор на Ducati Corse, кој изјави дека со задоволство ја продолжиле соработката.

„Многу сме задоволни што ја продолжуваме соработката со Reale Avintia Racing. Тоа е тим кој започна да соработува со нас уште кон крајот на 2014 година и продолжија да растат заедно со Ducati. Веруваме дека тимот ќе продолжи да расте и во текот на следната сезона.“