Каталонското Гранд При ни приреди уште една возбулива трка, седма во сезоната која повторно му припадна на Марк Маркез.

Каталонското Гранд При ни приреди уште една возбулива трка, седма во сезоната која повторно му припадна на Марк Маркез.

Возачот на Хонда МотоГП тимот, Марк Маркез, помина низ целната линија за половина секунда пред Валентино Роси и Дани Педроса, во највозбудливата трка во досегашниот тек од сезоната.

Во трилер финишот го проследивме престигнувањето на Маркез и Дани Педроса кои успеаја да го поминат речиси истовремено Валентино Роси кој водеше скоро во целата трка, оставајќи го притоа Лоренцо на четвртата позиција. Последниот круг донесе дополнителна возбуда при контактот на Педроса кој во моментот беше второпласиран со неговиот клубски колега на првата позиција, за среќа двете Хонди останаа на патеката, Маркез притоа дојде до седмата победа во сезоната, Валентино Роси го забележа второто место, а Педроса мораше да се задоволи со третата позиција.

Победата во Каталуња за Хонда беше 100-та во модерната ера на МотоГП, а за прв пат во 65 годишната историја на МотоГП се случи победа на двајца браќа, Марк Маркез во кралската класа, и неговиот брат Алекс Маркез кој забележа победа утринава во Мото3 класата.

Валентино Роси иако водеше во најголем дел од трката, на крајот се соочи со дуот на Хонда од кое двајцата возачи импресионираа. Дани Педроса на најдобар начин покажа дека повредата е зад него и дека повторно е во водечките на Гранд При трките. 

Хорхе Лоренцо иако на минатата трка се врати на најдобар можен начин, во Каталуња едноставно не покажа доволно. Постојано беше зад водечката тројка но во ниту еден момент не беше во можност да им се доближи доволно блиску за да се искачи на пиедесталот, на крајот финиширајќи со заостанување од 2,7 секунди зад Педроса.

Одлично возење следевме и од Штефан Брадл кој го обезбеди петтото место, пред браќата Пол и Алеш Еспергаро на шестата и седмата позиција.

Следната трка се вози на 28-ми јуни на патеката Асен во Холандија.