Кавасаки го претстави новиот модел од гамата на крузери за 2015 година наречен Kawasaki Vulcan S.
Кавасаки го претстави новиот модел од гамата на крузери за 2015 година наречен Kawasaki Vulcan S.
Главна карактеристика на новиот Kawasaki Vulcan S модел е спортскиот изглед и можноста за адаптирање според висината на различните возачи. Ова е постигнато благодарение на можност за вградување на различно седиште, ногарки кои се подесуваат нанапред и наназад, како и рачки во зависност од желбата на купувачот кои можат да бидат стандардни, пократки или подолги. Разликата од другити производители кои нудат кастмизирање на додатоците според желбата на купувачите е тоа што Кавасаки за овој модел адаптацијата ќе ја прави бесплатно, откако возачот ќе го нарача моторот.
Агрегатот кој го придвижува новиот крузер е паралелен твин мотор со зафатнина од 649цм3 со водено ладење, произлезен од моторот кој се вградува во Ninja 650, што гарантира одлично забрзување и мазно возење при низок вртежен момент.Вулканот доаѓа со Digital Fuel Injection (DFI) систем кој овозможува брз одговор при навртување на рачката за гас, моторот од фабрика доаѓа со 6 степен менувач, а за кочење се задолжени преден диск со дијаметар од 300мм и 250мм заден диск.
Шасијата на новиот Вулкан има низок центар на гравитација, и со тежина од 223кг е најлесен крузер во својот сегмент, со што е одличен за возење како од страна на искусни моторџии, така и за почетници кои нема да имаат проблем со управувањето на моторот.
Препорачаната цена на новиот модел е 6000 евра, а за доплата од 350 евра ќе може да се купи моделот со ABS. Секако ова е препорачана цена која може да варира за нашиот пазар, а повеќе детали ќе имаме по саемот за мотори во Милано кој започнува идниот месец.