Мотоцикли

Carbon Fiber BMW HP4 Race дебитираше во Кина

Како и што предвидовме, BMW HP4 Race, мотоциклот кој е изработен од многу карбонски делови, дебитираше на шоуто во Шангај. Ова е продукциската верзија на прототипот која BMW Motorrad ни ја најави на минатогодишното EICMA шоу во Милано.

Следете нè на:

 

Како и што предвидовме, BMW HP4 Race, мотоциклот кој е изработен од многу карбонски делови, дебитираше на шоуто во Шангај. Ова е продукциската верзија на прототипот која BMW Motorrad ни ја најави на минатогодишното EICMA шоу во Милано.

BMW HP4 Race 41

Тогаш не ни дадоа дополнителни детали, но сега од компанијата се подготвени да ни кажат нешто повеќе за овој мотоцикл. Ќе бидат произведени само 750 примероци од BMW HP4 Race. а секој од нив ќе развива 212 коњски сили и ќе тежи само 171 килограм со полн резервоар.

Секако главно нешто кај BMW HP4 Race е дека е изработен од јаглеродни влакна. Каросеријата, рамката и бандашите се изработени од овој композитен материјал.

BMW HP4 Race 40

Интересно, но од компанијата избраа алуминиумска задна вилушка за овој мотоцикл, најверојатно заради полесно управување.

Од BMW велат дека тие го имаат дизајнирано првиот мотоцикл чија рамка е целосно направена од јаглероди влакна. Само да напоменеме, минатата година Ducati го претстави Ducati 1299 Superleggera чија што шасија е целосно изработена од јаглеродни влакна. Како што велат од BMW, само рамката на мотоциклот има тежина од 7 килограми. Според соопштението кое го доставија до медиумите, рамката која е изработена од јаглеродни влакна ќе биде достапна и за оние кои ќе го купат S1000RR.

BMW HP4 Race 26

Во однос на тркалата, од BMW велат дека нивната тежина е за 30 проценти помала во однос на овие кои ги има BMW S1000RR. Меѓу другите работи кои се застапени кај мотоциклот се и Öhlins FGR 300 вилушката и Öhlins TTX 36 GP задниот амортизер. Сопирачките се од Brembo. На предното тркало има две Brembo GP4 PR monoblock сопирачки кои имаат титаниумски клипови и делови од алуминиум. Исто така има и Brembo 320mm T-type челични дискови.

BMW HP4 Race 55

BMW се погрижи и да не го занемари и моторот кој има 212 коњски сили при 13,900rpm. Секако, тука е и електрониката, а BMW го опреми овој модел како да е тркачки мотоцикл. BMW HP4 Race има 2D табла која ќе им овозможи на возачите лесно прилагодување на контролата на тракцијата и моторното сопирање.

Се уште не се знае која ќе биде конечната цена на овој мотоцикл но се шпекулира со износ од 80.000 евра.

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.